Antıkor bilim berý salasynda jymqyrý faktileriniń aldyn alý jáne jolyn kesý boıynsha júıeli jumys júrgizip jatyr. Máselen, bıyl sybaılas jemqorlyq táýekelderine júrgizilgen syrtqy taldaý barysynda búdjet qarajatyn josparlaý jáne ıgerý kezeńderinde pedagogterdiń eńbegine aqy tóleý qorynan búdjet qarajatyn jymqyrý shemalary ashyldy, dep habarlaıdy Dalanews.kz.
Búdjettik ótinimderdi qalyptastyrý prosesterin avtomattandyrýdyń, buzýshylyqtardy baqylaý jáne aldyn alý tetikteriniń, sondaı-aq aqparattyq júıelerdiń birkelki bolmaýyna baılanysty kóptegen faktiler múmkin bolǵan.
Sybaılas jemqorlyqtyń sebepteri men jaǵdaılaryn joıý maqsatynda Bilim, Qarjy jáne Sıfrlyq damý mınıstrlikterimen birlesip Jol kartasy iske asyrylýda.
Keshendi jumys aıasynda búdjetti josparlaý prosesin sıfrlandyrý úshin quqyqtyq jaǵdaılar jasaldy.
Birinshi kezekte, "Býhgalterlik operasıalardyń biryńǵaı qoımasy" jobasy engizildi, Ulttyq bilim berý bazasynda memlekettik organdarmen ıntegrasıalanǵan "Pedagog portfolıosy" elektrondyq modýli ázirlendi.
Sondaı-aq satyp alynatyn býhgalterlik esep júıelerine biryńǵaı tehnıkalyq talaptar kózdelgen, táýekelderdi basqarý júıeleri jáne t.b. engizilgen.
İske asyrylǵan sıfrlyq sheshimderdiń arqasynda óńirlik basqarmalar men bilim bólimderi aı saıyn býhgalterlik esep jáne qazynashylyq júıeleriniń esepterin salystyryp otyrady.
Budan basqa, memlekettik aýdıt organdary tarapynan jalaqyny kóterýmen birge derbes jáne banktik derekterdi burmalaýmen ushtasqan pedagogterdiń eńbekaqy tóleý qorynan kúdikti tólemderdiń qashyqtyqtan monıtorıńi engizildi.
Qazir árbir tólem operasıasy óziniń elektrondy izin qaldyrady, bul jymqyrýdy analıtıkalyq jolmen anyqtaýǵa múmkindik beredi.
Sonymen qatar osy jyly Agenttiktiń bastamasy boıynsha búdjettik prosesterdi avtomattandyrýǵa, qazynashylyq júıesin bilim berý uıymdarynyń býhgalterlik esep júıelerimen ıntegrasıalaýǵa, tólem qujattaryna qol qoıý kezinde bıometrıany engizýge baǵyttalǵan sıfrlyq sheshimder engizildi.
Bul sharalar qarajattyń jumsalýyna tıimdi baqylaý ornatýǵa múmkindik beredi.
Eger joba engizilgenge deıin byltyrǵy ister boıynsha Antıkor anyqtaǵan zalal mıllıardtaǵan somamen (17,3 mlrd) ólshense, bıylǵy jyly jymqyrý aıtarlyqtaı azaıtyldy (7,3 mln).
Qazirgi ýaqytta Agenttik bilim berý mekemeleriniń qyzmetkerleri arasynda qarjylyq buzýshylyqtardyń aldyn alýǵa jáne profılaktıkaǵa baǵyttalǵan túsindirý is-sharalaryn júrgizýde.
Bul baǵyttaǵy jumys jalǵasýda.
