انتيكور ءبىلىم بەرۋ سالاسىندا جىمقىرۋ فاكتىلەرىنىڭ الدىن الۋ جانە جولىن كەسۋ بويىنشا جۇيەلى جۇمىس جۇرگىزىپ جاتىر. ماسەلەن، بيىل سىبايلاس جەمقورلىق تاۋەكەلدەرىنە جۇرگىزىلگەن سىرتقى تالداۋ بارىسىندا بيۋدجەت قاراجاتىن جوسپارلاۋ جانە يگەرۋ كەزەڭدەرىندە پەداگوگتەردىڭ ەڭبەگىنە اقى تولەۋ قورىنان بيۋدجەت قاراجاتىن جىمقىرۋ سحەمالارى اشىلدى، دەپ حابارلايدى Dalanews.kz.
بيۋدجەتتىك وتىنىمدەردى قالىپتاستىرۋ پروسەستەرىن اۆتوماتتاندىرۋدىڭ، بۇزۋشىلىقتاردى باقىلاۋ جانە الدىن الۋ تەتىكتەرىنىڭ، سونداي-اق اقپاراتتىق جۇيەلەردىڭ بىركەلكى بولماۋىنا بايلانىستى كوپتەگەن فاكتىلەر مۇمكىن بولعان.
سىبايلاس جەمقورلىقتىڭ سەبەپتەرى مەن جاعدايلارىن جويۋ ماقساتىندا ءبىلىم، قارجى جانە سيفرلىق دامۋ مينيسترلىكتەرىمەن بىرلەسىپ جول كارتاسى ىسكە اسىرىلۋدا.
كەشەندى جۇمىس اياسىندا بيۋدجەتتى جوسپارلاۋ پروسەسىن سيفرلاندىرۋ ءۇشىن قۇقىقتىق جاعدايلار جاسالدى.
ءبىرىنشى كەزەكتە، "بۋحگالتەرلىك وپەراسيالاردىڭ ءبىرىڭعاي قويماسى" جوباسى ەنگىزىلدى، ۇلتتىق ءبىلىم بەرۋ بازاسىندا مەملەكەتتىك ورگاندارمەن ينتەگراسيالانعان "پەداگوگ پورتفوليوسى" ەلەكتروندىق ءمودۋلى ازىرلەندى.
سونداي-اق ساتىپ الىناتىن بۋحگالتەرلىك ەسەپ جۇيەلەرىنە ءبىرىڭعاي تەحنيكالىق تالاپتار كوزدەلگەن، تاۋەكەلدەردى باسقارۋ جۇيەلەرى جانە ت.ب. ەنگىزىلگەن.
ىسكە اسىرىلعان سيفرلىق شەشىمدەردىڭ ارقاسىندا وڭىرلىك باسقارمالار مەن ءبىلىم بولىمدەرى اي سايىن بۋحگالتەرلىك ەسەپ جانە قازىناشىلىق جۇيەلەرىنىڭ ەسەپتەرىن سالىستىرىپ وتىرادى.
بۇدان باسقا، مەملەكەتتىك اۋديت ورگاندارى تاراپىنان جالاقىنى كوتەرۋمەن بىرگە دەربەس جانە بانكتىك دەرەكتەردى بۇرمالاۋمەن ۇشتاسقان پەداگوگتەردىڭ ەڭبەكاقى تولەۋ قورىنان كۇدىكتى تولەمدەردىڭ قاشىقتىقتان مونيتورينگى ەنگىزىلدى.
ءقازىر ءاربىر تولەم وپەراسياسى ءوزىنىڭ ەلەكتروندى ءىزىن قالدىرادى، بۇل جىمقىرۋدى اناليتيكالىق جولمەن انىقتاۋعا مۇمكىندىك بەرەدى.
سونىمەن قاتار وسى جىلى اگەنتتىكتىڭ باستاماسى بويىنشا بيۋدجەتتىك پروسەستەردى اۆتوماتتاندىرۋعا، قازىناشىلىق جۇيەسىن ءبىلىم بەرۋ ۇيىمدارىنىڭ بۋحگالتەرلىك ەسەپ جۇيەلەرىمەن ينتەگراسيالاۋعا، تولەم قۇجاتتارىنا قول قويۋ كەزىندە بيومەتريانى ەنگىزۋگە باعىتتالعان سيفرلىق شەشىمدەر ەنگىزىلدى.
بۇل شارالار قاراجاتتىڭ جۇمسالۋىنا ءتيىمدى باقىلاۋ ورناتۋعا مۇمكىندىك بەرەدى.
ەگەر جوبا ەنگىزىلگەنگە دەيىن بىلتىرعى ىستەر بويىنشا انتيكور انىقتاعان زالال ميللياردتاعان سومامەن (17،3 ملرد) ولشەنسە، بيىلعى جىلى جىمقىرۋ ايتارلىقتاي ازايتىلدى (7،3 ملن).
قازىرگى ۋاقىتتا اگەنتتىك ءبىلىم بەرۋ مەكەمەلەرىنىڭ قىزمەتكەرلەرى اراسىندا قارجىلىق بۇزۋشىلىقتاردىڭ الدىن الۋعا جانە پروفيلاكتيكاعا باعىتتالعان ءتۇسىندىرۋ ءىس-شارالارىن جۇرگىزۋدە.
بۇل باعىتتاعى جۇمىس جالعاسۋدا.
