Facebook áleýmettik jelisinde qazirgi Oqý aǵartý ministri Ǵani Beisembaevtyń atqaryp jatqan jumystaryna kóńili tolmaityn muǵalim sany kún sanap kóbeiip jatyr, - dep habarlaidy Dalanews.kz.
Belsendi ustaz Marjan Alypqaraeva áleýmettik jelidegi paraqshasynda ministrdi synap, jazba jariialaǵan.
"Ǵani Beisembaev myrza! Jańa standartty qandai oimen talqylaýǵa qoidyńyzdar? Jańardyq, úshtildendik, nysanaǵa alyndyq. 36 aptaǵa kóshe turyp 34 aptaǵa qaita kóshtik. Altyn belgilerdi jinap alyp emtihan alýdy qaita mektepterge alyp keldik.
40 minýt ótsek bolady, biraq demalys kezderinde tolyqtyrý kerek dedik. Taǵy ne qaldy?! Jazǵy demalysta Astanaǵa baryp kelgen áriptesim "Marjan, seniń Dana Igibai ekeýińniń ótken kiriktirilgen sabaqtaryńdy (9-synyptyń algebrasy men dene shynyqtyrýdy) ministrlikte kórsetipti"- dep aitqanynda endi ministrlikten ne kúter ekenbiz degen edim, kóp kúttirmei jańa STANDART shyqty.Menen usynys: algebra men dene shynyqtyrýdy, himiia men qazaq tildi, matematika men eńbekti, t.b. da osylai kiriktirýge bolady! Jaqsy ideia eki muǵalim bir synyppen jumys jasaidy. Sol seminardyń maqsatynyń ózi qisynsyz (obsýrd) edi. Muǵalim - sheber, barlyq jaǵdaiattan shyǵatyn jol taba beredi eken dep, kez-kelgen jańa Standart oilap taýyp tyǵa berýge bolmaidy", - dep jazdy muǵalim.
Muǵalim ministrge jańa standart engizgenshe "ornyn bosatqan durys" ekenin aitty.
