Facebook الەۋمەتتىك جەلىسىندە قازىرگى وقۋ اعارتۋ ءمينيسترى عاني بەيسەمبايەۆتىڭ اتقارىپ جاتقان جۇمىستارىنا كوڭىلى تولمايتىن ءمۇعالىم سانى كۇن ساناپ كوبەيىپ جاتىر، - دەپ حابارلايدى Dalanews.kz.
بەلسەندى ۇستاز مارجان الىپقارايەۆا الەۋمەتتىك جەلىدەگى پاراقشاسىندا ءمينيستردى سىناپ، جازبا جاريالاعان.
"عاني بەيسەمبايەۆ مىرزا! جاڭا ستاندارتتى قانداي ويمەن تالقىلاۋعا قويدىڭىزدار؟ جاڭاردىق، ۇشتىلدەندىك، نىساناعا الىندىق. 36 اپتاعا كوشە تۇرىپ 34 اپتاعا قايتا كوشتىك. التىن بەلگىلەردى جيناپ الىپ ەمتيحان الۋدى قايتا مەكتەپتەرگە الىپ كەلدىك.
40 مينۋت وتسەك بولادى، ءبىراق دەمالىس كەزدەرىندە تولىقتىرۋ كەرەك دەدىك. تاعى نە قالدى؟! جازعى دەمالىستا استاناعا بارىپ كەلگەن ارىپتەسىم "مارجان، سەنىڭ دانا يگيباي ەكەۋىڭنىڭ وتكەن كىرىكتىرىلگەن ساباقتارىڭدى (9-سىنىپتىڭ الگەبراسى مەن دەنە شىنىقتىرۋدى) مينيسترلىكتە كورسەتىپتى"- دەپ ايتقانىندا ەندى مينيسترلىكتەن نە كۇتەر ەكەنبىز دەگەن ەدىم، كوپ كۇتتىرمەي جاڭا ستاندارت شىقتى.مەنەن ۇسىنىس: الگەبرا مەن دەنە شىنىقتىرۋدى، حيميا مەن قازاق ءتىلدى، ماتەماتيكا مەن ەڭبەكتى، ت.ب. دا وسىلاي كىرىكتىرۋگە بولادى! جاقسى يدەيا ەكى ءمۇعالىم ءبىر سىنىپپەن جۇمىس جاسايدى. سول سەميناردىڭ ماقساتىنىڭ ءوزى قيسىنسىز (وبسۋرد) ەدى. ءمۇعالىم - شەبەر، بارلىق جاعداياتتان شىعاتىن جول تابا بەرەدى ەكەن دەپ، كەز-كەلگەن جاڭا ستاندارت ويلاپ تاۋىپ تىعا بەرۋگە بولمايدى"، - دەپ جازدى ءمۇعالىم.
ءمۇعالىم مينيسترگە جاڭا ستاندارت ەنگىزگەنشە "ورنىن بوساتقان دۇرىس" ەكەنىن ايتتى.
