Ókinishke qarai, keiingi kezderi áleýmettik jeliler men keibir saittarda Qazaqstan musylmandary dini basqarmasyn, Bas múfti bastaǵan din qyzmetkerlerin qaralaǵan, aqiqattan alys, negizsiz jazbalar jariialanyp jatyr.
Muny múftiiatqa qarsy jasalyp jatqan ashyq kiberbýlling deýge bolady.
Kúie jaǵýshylar meni de ainalyp ótpepti. Kznews.kz degen portalda Turarbek Qusaiynov esimdi adam «Ol Egipette oqyp júrgen kezde habashitter deitin shafiit mázhabyndaǵy sopylyq baǵytty ustanatyn aǵym ókilderiniń yqpalyna túsip ketken.
Habashit aǵymynyń negizin qalaǵan Abdolla ál-Hararidi pir tutqan» dep meni negizsiz aiyptap, ar-namysyma tietin jazba jariialady.
Bul maǵan jabylǵan jala ekenin málimdeimin. Meniń habashitterge de, ol aǵymnyń negizin qalaǵan Abdolla ál-Hararige de eshqandai qatysym joq. Ol adamdy pir tutqan da emespin. Jalpy bireýdi pir tutyp, pirge qol tapsyrǵan jan emespin. Habashitterdiń yqpalyna túspedim, olardy qoldaǵan emespin jáne qoldamaimyn da. Sebebi takfirlik (bireýdi kúpirlikke shyǵarý) ideiaǵa negizdelgen habashittik aǵym elimiz úshin jat. Ol aǵymdy eshqashan nasihattaǵan emespin.
Islamtanýshy, teolog retinde kóptegen dini aǵymdy zerttep, saraptap, taldap júrgenimdi kópshiligińiz bilesizder. Zertteý maqsatymen kóptegen lektsiialarǵa qatysyp, túrli avtorlardyń kitaptaryn oqydym.
Qazirgi ýaqytta da túrli kitaptardy oqýǵa týra keledi. Sebebi ol meniń islamtanýshy retindegi mindetim. Sondai kitaptardy zertteý arqyly saraptamalyq-taldaý jasap, biliktiligimdi arttyryp kelemin.
Eger qandai da bir jat aǵym ókiliniń lektsiiasyn tyńdamasań nemese kitabyn oqymasań, ol aǵymnyń jat, qate ilim ekenine qalai kóz jetkizýge bolady? Mysaly, Taqiýddin án-Nabahanidiń «Ásh-shahsiiatý ál-islamiia» kitabyn oqymasam, «Hizbýt-tahrir» (QR aýmaǵynda tyiym salynǵan) aǵymy ideologiiasynyń teris tustaryn qaidan bilemin?
Sol siiaqty habashit aǵymynyń elimizge jat ekenin bilý úshin sol aǵymnyń negizin qalaýshy Abdolla ál-Hararidiń eńbekterin oqýyma, onyń artynan ergen ideologtarynyń lektsiialaryn tyńdaýyma týra keledi. Sony alǵa tartyp meni habashitterdiń yqpalyna tústi dep aiyptaý negizsiz.
Joǵarydaǵy jazbada meniń dini bilim deńgeiim men diplomdarymdy synǵa alǵan eken. Diplomdarymnyń barlyǵy tiisti zańdy tekserilýden tolyq ótken. Al dini bilimimniń deńgeiine elimizdiń bedeldi ǵalymdary men áriptesterim kýá.
وفوق كل ذي علم عليم
Alla Taǵala Qurannyń «Júsip» súresiniń 76-aiatynda: «Árbir bilim iesinen de asqan ǵalym (Alla) bar» dei kelip, ózim bilimdimin dep maqtanǵan adamnan asqan basqa bir bilimdi tabylatynyn jáne Óziniń sheksiz, ázáli bilim iesi ekenin eskertedi.
Alla Taǵala elimizdiń syrtyn jaýdan, ishin daýdan saqtaǵai. Áýmin!
