M.Taijan «Progressivtik jer salyǵyn engizip, qarajatty zeinetaqy qoryna salý kerek»
«Kúnde jermen ainalysatyn azamattarmen kezdesip júrmin. Nátijesinde mynadai qorytyndyǵa keldim – jerdi rettep almai, jeke menshikke jol joq. Biz qazir qazaqstandyqtarǵa da jerdi jeke menshikke bermeýimiz kerek. Óitkeni, jer máselesi óte kúrdeli. Mysaly, jaiylym jer máselesi bar. Halyq jaiylym jer eshkimge jalǵa da berilmesin dep otyr. Bul jerler tek memlekettiń qaraýynda bolý qajet», – deidi Muhtar Taijan.
Sondai-aq, komissiia múshesiniń aitýynsha, sýbarendaǵa tyiym salǵan jón. Óitkeni, alǵan jerimen ainalyspai, ony sýbarendaǵa berip qoiyp, paida taýyp otyrǵan azamattar bar.+
«Azamattardan bir jaqsy usynys tústi, ol – progressivtik jer salyǵyn engizý. Bul latifýndisterge qarsy naqty qadam. Ár oblysta norma bolýy kerek, eger osy normadan eki, úsh ese kóp jer bir qolda bolsa, onda salyq eki ese, úsh ese kóp bolsyn», – dep jetkizdi M.Taijan.
Jáne bastysy, bul aqshany biýdjetke salmai, zeinetaqy qoryna aýdarý kerek.
«Qarajatty zeinetaqy qoryna INN arqyly ár azamatqa ai saiyn quiýǵa bolady. Infliatsiiaǵa ziian bolmaidy. Azamattar ony ai saiyn paidalanbaidy, biraq jerden paida kórip otyrady», – deidi ol.
Aiymgúl ÁBILEVA
Derekkózi: BNews.kz
