M.Ospanov: "Sóz bailasyp benzin baǵasyn kóterýge jol bermeimiz"
2015 jyly halyq tarapynan úlken suranysqa ie AI-92 markaly benzinge memlekettik retteý joiylyp, baǵa bosatylǵan bolatyn. Sol ýaqyttan bastap onyń quny naryqtaǵy usynys pen suranysqa sai belgilenip otyr. Alaida, bul baǵanyń shamadan tys ósýine jol beriledi degen sóz emes. M.Ospanovtyń aitýynsha, kúni búgin oblysta janarmai baǵasynyń (AI-92, 95 markaly benzin) belgili bir deńgeide joǵarylaýyna qatysty taldaý, tekserý jumystary júrgizilýde. Negizgi nazar – janarmaidy kóterme baǵamen ákeletin tasymaldaýshylardyń ózara sóz bailasýyna jol bermeýge aýdarylýda.
– Monopoliiaǵa qarsy zańdylyqty buzǵan sýbektilerge salynǵan barlyq ákimshilik aiyppuldardyń mólsheri 380 mln. teńge. Dál qazirgi tańda 6 sýbektige qatysty tekserý bastaldy. Al endi janarmai naryǵyna toqtalar bolsaq, baǵanyń shamadan tys ósýine jol bergen «Moskvichi» (Bókei ordasy aýdanyndaǵy osy kásiporynnyń janarmai quiý beketinde AI-92 markaly benzin baǵasy litrine 200 teńgege jetken) beketterine qatysty arnaiy habarlama jiberildi. Habarlama qolǵa tigennen keiin 10 jumys kúni ishinde janarmai quiý mekemesiniń basshylyǵy kemshilikterdi joiýy tiis. Kemshilik joiylmasa, zań aiasynda sharalar qoldanylady, – dedi óz sózinde M.Ospanov.
