Mosbirjanyń KASE-degi úlesin qos reseilik kompaniia enshiledi. Bul aldaý ma álde arbaý ma? Mamandar osylaiynan dabyl qaǵady, dep habarlaidy Dalanews.kz.
Búgin Mosbirja Qazaqstan qor birjasyndaǵy (KASE) 13,1% úlesinen aryldy. Bul týraly QR Ulttyq bank tóraǵasy Timýr Súleimenov málimdedi.
Keiinnen Mosbirjanyń KASE-degi úlesi qos reseilik pailyq investiialyq kompaniia enshilegeni belgili boldy.
Aktsionerlerdiń jańa tizimine úńilsek, 13,1 paiyzdy "Tetis Kepital" (8,5%) men "Balans Esset Menedjment" degen eki reseilik kompaniia (4,6008%) ózara bólisip alypty. Birinshisi "Nigella" investitsiialyq qoryn, al ekinshisi "Levkoi" qoryn basqarady.
Ashyq derekkózderge súiensek, "Balans Esset Menedjment" 2022 jyly máskeýlik TsSKA fýtbol klýbynyń 77% aktsiiasyn satyp alypty. Quryltaishysy – Vitalii Balanovich. Ol "Trinfiko" investitsiialyq tobynyń qarjygeri jáne basqarýshy direktory bolyp tabylady.
"Tetis Kepital" JShS-nyń qos quryltaishysy bar eken: Andrei Marsijáne Aleksandr Voronkov. Marsi – "Trinfiko" tobynyń basqarýshy seriktesi, aktivterdi basqaryp, jyljymaityn múlikke qatysty investitsiialyq máselelermen ainalysady. "Kommersant" basylymynyń málimetinshe, ol Reseidegi úzdik top-menedjerlerdiń biri kórinedi.
Ekonomist Ǵalymjan Aitqazin Mosbirja KASE quramynan shyqqan joq, óz deldaldary arqyly áli de óz úlesin saqtap otyr dep bajailaidy.
"Onyń ústine KASE saýda-sattyq somasyn da jasyryp otyr, bul da osy qaýipti qoiýlata túsedi. Sondyqtan KASE-den de Ulttyq bankten de bir naqty túsinik berýdi suraimyz. Qazaqstannyń iri birjasy quramynda offshor reseilik kompaniialardyń bolýy qaýip faktory bolyp sanalady. Kez kelgen offshor kompaniianyń benefitsiaryn ashyp kórsetýge mindetti emes ekenin ańǵartady", - deidi maman dabyl qaǵa.
11 qazandaǵy jaǵdai boiynsha, KASE-niń negizgi aktsioneri – QR Ulttyq banki (46,9%). Odan keiin aktsionerler qatarynda Halyk Group (9,3%), "Kómmesk-Ómir" (7,6%) de bar.
