Kezdesý barysynda Qasym-Jomart Toqaev qarqyndy damyp kele jatqan qazaq-mońǵol qarym-qatynastaryna toqtaldy.
– Mońǵoliia – bizdiń senimdi ári strategiialyq seriktesimiz. Memleketterimizdi ortaq tarihymyz biriktiredi. Mońǵol halqyna, Sizdiń memleketińizge degen qurmetimiz erekshe. Sizder bizdiń halyqaralyq bastamalarymyzǵa túsinistik tanytyp, únemi qoldaý kórsetesizder. Sondai-aq halyqaralyq alańdarda birge belsendi jumys istep kelemiz. Osy yntymaqtastyǵymyzdy odan ári arttyryp, is júzinde nyǵaita berýimiz qajet dep sanaimyn. Bul, eń aldymen, saýda-ekonomikalyq yqpaldastyqqa qatysty. Biz kólik logistikasy salasyn pysyqtai túsýimiz kerek, – dedi Prezident.
Memleket basshysy qalyptasqan ekijaqty yntymaqtastyqtyń áleýetin barynsha paidalanýǵa shaqyrdy.
– Osy sátti paidalana otyryp, etnikalyq qazaqtarǵa kórsetilip otyrǵan qurmeti pen qamqorlyǵy úshin Sizdiń eldiń basshylyǵyna jáne mońǵol halqyna rizashylyǵymdy bildiremin.
Mońǵoliia qazaqtarynyń tilin, mádenieti men dástúrin saqtaý máseleleri boiynsha tyǵyz yntymaqtastyǵymyz jalǵasa beredi dep úmittenemin.
Bul – Sizdiń memleketińiz júrgizip otyrǵan ulttyq saiasattyń nátijesi. Muny zor rizashylyqpen atap ótkim keledi, – dedi Qasym-Jomart Toqaev.
Mońǵoliia Syrtqy saiasat vedomstvosynyń basshysy qabyldaǵany úshin Qasym-Jomart Toqaevqa alǵys aityp, Mońǵoliia Prezidenti Ýhnaagiin Hýrelsýhtyń sálemin jetkizdi.
– Prezidentimizdiń shynaiy sálemin jetkizýdi zor mártebe sanaimyn. Mońǵoliia men Qazaqstandy jaqyn kórshi elder dep aitýǵa bolady. Qazaqstan Respýblikasymen aradaǵy bailanystardy damytý isi Mońǵoliianyń syrtqy saiasatynda mańyzdy oryn alady. Biz bul qatynastardy jandandyrǵymyz keledi. Kelesi jyly elderimiz arasynda ornaǵan diplomatiialyq qatynastardyń 30 jyldyq mereitoiyn atap ótemiz, – dedi Batmýnh Battsetseg.
Kezdesý sońynda Memleket basshysy Qasym-Jomart Toqaev Mońǵoliia Prezidenti Ýhnaagiin Hýrelsýhty elimizge resmi saparmen kelýge shaqyratynyn aitty. Memleket basshysy atalǵan resmi sapar Qazaqstan men Mońǵoliia arasyndaǵy yntymaqtastyqtyń damýyna tyń serpin beredi dep sanaidy.
https://dalanews.kz/comment/69060-biz-qazaqqa-boryshtarmyz
https://dalanews.kz/ekonomika/68907-tutynushylyq-depozitter-bankke-saly
