Mektep kitaphanalaryn modernızasıalaýdyń basty mindeti – qyzmetterdiń sapaly jańa júıesin qurý, kitaphanalardy bilim alý, komýnıkasıa jáne bos ýaqytty ótkizý úshin kópfýnksıonaldy ortalyqtarǵa aınaldyrý.
Modernızasıadan keıin jańa kitaphanalar tek kitap oqıtyn oryn ǵana emes, sonymen qatar ózderiniń shyǵarmashylyq áleýetin iske asyratyn, demalyp, júzdesetin orynǵa aınalady.
«Modernızasıa» uǵymy Batys áleýmettanýynda áleýmettik-saıası, jalpy qoǵamdyq damý minezdemesi retinde qoldanylady. Iaǵnı, modernızasıa termıni jınaqtalǵan maǵynada qoldanylady. Birinshiden, ol qazirgi ındýstrıaldyq qoǵamnyń damý satylarynyń túrlerin, ekinshiden, damýshy memleketterdiń ulttyq damýdyń óndiristik damýǵa kóshý prosesin aıqyndaıdy.
Sonymen birge, qolǵa alynǵan jumystar kitaphana isin jańǵyrtýǵa, jańalyqtardy ıgerýge, kitaphanashylardyń biliktiligin arttyrýǵa baǵyttalǵan. Osy maqsatta Túlkibas aýdandyq bilim bólimine «100 kitap» jobasyna enip, qazaq tiline aýdarylǵan, 26 ataýmen 2100 dana engen kórkem ádebıetter jáne balalar ádebıetterimen tolyqtyryldy.
