Týrizm jáne sport vitse-ministri Serik Jarasbaev qazaqstandyq mánerlep syrǵanaýshy Mihail Shaidorov ministrlikpen kelisimshartqa qol qoiǵanyn málimdedi, dep habarlaidy dalanews.kz.
Onyń aitýynsha, qujatqa qol qoiý zań talaptaryna sai ótken. Taraptar kelisimsharttaǵy barlyq tarmaqty talqylap, ortaq sheshimge kelgennen keiin kelesi kúni qujat rásimdelgen.
"Kelisimshartqa qol qoiylǵannan keiin ony jumysqa qabyldadyq. Qujatta kózdelgen mindettemeler tolyq oryndalady", - dedi Serik Jarasbaev.
Sondai-aq, vitse-ministrdiń sózinshe, jýyrda Mihail Shaidorov ministrlikke baryp, kelesi olimpiadalyq tsiklge daiyndyq máselelerin jáne Qazaqstandaǵy mánerlep syrǵanaýdy damytý baǵyttaryn talqylaidy.
Eske salaiyq, buǵan deiin Mihail Shaidorov jarty jyldan beri jalaqy almai júrgenin málimdegen bolatyn. Sportshynyń aitýynsha, ákimdik pen Aqordadaǵy saltanatty qabyldaýlardan keiin oǵan jalaqy tóleý toqtaǵan.
