Saltanatty is-sharada maqta qabyldaý beketine eń birinshi bolyp kelgen Maqtaaral aýdanyna qarasty Iirjar aýyldyq okrýginiń turǵyny Qairat Mamaqulov 9 tonna aq altyn ótkizdi. Bekettiń jumysyn baqylap, birneshe tarazdy arnaiy salystyryp teksergen aýdan ákimderi ólshem quralynyń ádildigine kóz jetkizdi. Osylaisha maqta terý maýsymy resmi túrde ashyq dep jariialandy.
Jalpy Maqtaaral aýdanynda 38 593 gektardan asa jerge maqta shiti sebilgen. Biyl ortasha eseppen gektarynan 21-24 tsentnerden ónim alý kózdelip otyr. Búginde aýdandaǵy maqta qabyldaý beketterine 10 myń tonnadan astam aq altyn kelip túsken bolsa, diqandar terim bitkenshe 80 myń tonna aq ulpa jinap alýdy kózdep otyr. Ol úshin 251 terimshiler brigadasy, 40-tan asa kombain maqta terý naýqanyna jumyldyrylǵan.
«Kósekterge kún jaqsy tigen soń tezirek ashylyp jatyr. Kóptegen sharýalar defoliatsiianyń paidasyn bilmeidi. «Maqta salmaq joǵaltady» dep ony jasaýdan qashady. Kók kósekter kúzde úsik shalǵanda bir-aq ashylady. Ondai maqtanyń sapasy da bolmaidy» - dedi maqtasyn jinap jatqan sharýanyń biri Meiirbek Zabynbekov.
Aýdanda maqta óndiretin 5 zaýyt jáne maqta qabyldaityn 69 beket qyzmet kórsetýde. Zaýyttardyń ishinde TMD-da teńdesi joq sanalatyn «Myrzakent» maqta óńdeý zaýyty 120 adamdy turaqty jumys ornymen qamtyp otyr. Jalpy quny 1 milliard teńgeni quraityn óndiris oshaǵynyń joǵary tehnologiialyq qural-jabdyqtary AQSh-tyń «Liýmýs Korporaishn» kompaniiasynan satyp alynyp, montajdalǵan.
Zaýyt mamandarynyń aitýynsha, biyl maqtanyń túsimi, talshyǵynyń uzyndyǵy, shitiniń sapasy oidaǵydai. Biraq zerthana tekserýi kezinde maqtanyń lastyǵy mólsherden kóbeiip ketýde. Sebebi, terimshiler qaýashaq, kók japyraq, shóp-shalamdy aralastyryp teredi. Sol úshin zaýyt basshylary maqtashylardy taza ónim jinaýǵa shaqyrýda.
Maqtaaral aýdany ákiminiń baspasóz qyzmeti
