سالتاناتتى ٸس-شارادا ماقتا قابىلداۋ بەكەتٸنە ەڭ بٸرٸنشٸ بولىپ كەلگەن ماقتاارال اۋدانىنا قاراستى يٸرجار اۋىلدىق وكرۋگٸنٸڭ تۇرعىنى قايرات ماماقۇلوۆ 9 توننا اق التىن ٶتكٸزدٸ. بەكەتتٸڭ جۇمىسىن باقىلاپ, بٸرنەشە تارازدى ارنايى سالىستىرىپ تەكسەرگەن اۋدان ەكٸمدەرٸ ٶلشەم قۇرالىنىڭ ەدٸلدٸگٸنە كٶز جەتكٸزدٸ. وسىلايشا ماقتا تەرۋ ماۋسىمى رەسمي تٷردە اشىق دەپ جارييالاندى.
جالپى ماقتاارال اۋدانىندا 38 593 گەكتاردان اسا جەرگە ماقتا شيتٸ سەبٸلگەن. بيىل ورتاشا ەسەپپەن گەكتارىنان 21-24 تسەنتنەردەن ٶنٸم الۋ كٶزدەلٸپ وتىر. بٷگٸندە اۋدانداعى ماقتا قابىلداۋ بەكەتتەرٸنە 10 مىڭ توننادان استام اق التىن كەلٸپ تٷسكەن بولسا, ديقاندار تەرٸم بٸتكەنشە 80 مىڭ توننا اق ۇلپا جيناپ الۋدى كٶزدەپ وتىر. ول ٷشٸن 251 تەرٸمشٸلەر بريگاداسى, 40-تان اسا كومباين ماقتا تەرۋ ناۋقانىنا جۇمىلدىرىلعان.
«كٶسەكتەرگە كٷن جاقسى تيگەن سوڭ تەزٸرەك اشىلىپ جاتىر. كٶپتەگەن شارۋالار دەفولياتسييانىڭ پايداسىن بٸلمەيدٸ. «ماقتا سالماق جوعالتادى» دەپ ونى جاساۋدان قاشادى. كٶك كٶسەكتەر كٷزدە ٷسٸك شالعاندا بٸر-اق اشىلادى. ونداي ماقتانىڭ ساپاسى دا بولمايدى» - دەدٸ ماقتاسىن جيناپ جاتقان شارۋانىڭ بٸرٸ مەيٸربەك زابىنبەكوۆ.
اۋداندا ماقتا ٶندٸرەتٸن 5 زاۋىت جەنە ماقتا قابىلدايتىن 69 بەكەت قىزمەت كٶرسەتۋدە. زاۋىتتاردىڭ ٸشٸندە تمد-دا تەڭدەسٸ جوق سانالاتىن «مىرزاكەنت» ماقتا ٶڭدەۋ زاۋىتى 120 ادامدى تۇراقتى جۇمىس ورنىمەن قامتىپ وتىر. جالپى قۇنى 1 ميلليارد تەڭگەنٸ قۇرايتىن ٶندٸرٸس وشاعىنىڭ جوعارى تەحنولوگييالىق قۇرال-جابدىقتارى اقش-تىڭ «ليۋمۋس كورپورايشن» كومپانيياسىنان ساتىپ الىنىپ, مونتاجدالعان.
زاۋىت ماماندارىنىڭ ايتۋىنشا, بيىل ماقتانىڭ تٷسٸمٸ, تالشىعىنىڭ ۇزىندىعى, شيتٸنٸڭ ساپاسى ويداعىداي. بٸراق زەرتحانا تەكسەرۋٸ كەزٸندە ماقتانىڭ لاستىعى مٶلشەردەن كٶبەيٸپ كەتۋدە. سەبەبٸ, تەرٸمشٸلەر قاۋاشاق, كٶك جاپىراق, شٶپ-شالامدى ارالاستىرىپ تەرەدٸ. سول ٷشٸن زاۋىت باسشىلارى ماقتاشىلاردى تازا ٶنٸم جيناۋعا شاقىرۋدا.
ماقتاارال اۋدانى ەكٸمٸنٸڭ باسپاسٶز قىزمەتٸ
