«Myń bala» Ulttyq olimpiadasyna qatysýǵa 26 myń oqýshy ótinem bergen
Jarys aýyldy jerlerdegi 5-6 synyp oqýshylary arasynda ótkiziledi. 2020 jyly atalǵan saiys birinshi ret bastaý alǵan bolatyn. Ótken jyly, olimpiadaǵa Almaty oblysynan 65 myńǵa jýyq oqýshy qatysty. Nátijesinde 196 bala júldegerler qatarynan kórinip, 107 jeńimpaz oblystaǵy daryndy balalarǵa arnalǵan mamandandyrylǵan mekemelerge emtihan tapsyrmastan qabyldanyp, qazirgi tańda oqyp jatyr.
«Jobada úzdik shyqqan órenderge, Almaty oblysyndaǵy 9 birdei mamandandyrylǵan bilim mekemelerinde oqý úshin grant alýǵa múmkindigi beriledi. Bir eskerterligi, aimaqtaǵy úzdik oqý oryndaryna 6 synyp oqýshylarynyń arasyndaǵy daryndylar ǵana qabyldanady. Al, 5 synyp oqityn balar arasynda top jarǵandar Elbasy Akademiiasynyń «Birge oqý» onlain-mektebinde pándik daiyndyqtan ótedi»,-deidi Almaty oblysy bilim basqarmasy basshysynyń orynbasary Aijan Mamanqyzy.
Aǵymdaǵy jyly «Myń bala» Ulttyq olimpiadasyna tirkelý jumystary 24 aqpan men 24 naýryz aralyǵynda júrgiziledi. Búgingi kúnge deiin, 26 myń oqýshy olimpiadaǵa qatysýǵa ótinim berip úlgergen. Testileýge ótinim qaldyrý úshin https://1000bala.elbasyacademy.kz/ saitynda qatysýshynyń tirkelý formasyn toltyrý qajet.
Olimpiada eki kezeńnen turady. Birinshi kezeńde, logikalyq jáne keńistiktik oilaýdy baǵalaýdy qamtidy. Respýblika boiynsha eń joǵary qorytyndy ball jinaǵan bes myń oqýshy olimpiadanyń ekinshi kezeńine ótedi. Ótken jyldyń jeńimpazdary da Olimpiadaǵa qatysa alady, olarǵa testileýdiń II kezeńinen bastap qatysý quqyǵy berildi.
Olimpiadanyń ekinshi kezeńi oblystyq testileý ortalyqtary bazasynda oflain ótkiziledi. Bul kezeńde qatysýshylar, «Matematikalyq saýattylyq», qazaq tilinde oqityn oqýshylar úshin «Qazaq tili», orys tilinde oqityn oqýshylar úshin «Orys tili», «Aǵylshyn tili», «Jaratylystaný» pánderi boiynsha akademiialyq bilimderin baǵalaý úshin kompiýterlik testileýden ótedi.
«Olimpiadany ótkizý kezinde oqýshylardyń tanymdyq jáne akademiialyq daǵdylary onlain jáne oflain rejiminde kompiýterlik testileý arqyly baǵalanady. Olimpiada testilerin kásibi mamandardyń mamandandyrylǵan jumys toby test suraqtaryn ázirleýdiń halyqaralyq standarttaryn eskere otyryp qurastyrdy jáne ol Qazaqstan Respýblikasynyń aýyl mektepteriniń oqýshylaryna beiimdeldi»,- dep atap ótti «Jetisý Daryny» KMM basshysy Alisher Basharov.
Mamandardyń aitýynsha, bilim saiysy mamyr aiyna deiin óz máresine jetedi dep josparlanǵan.
