Memleketke qaitarylǵan aktivter Qaraǵandy oblysynyń áleýmettik damýyna baǵyttaldy, dep habarlaidy dalanews.kz.
Memleketke qaitarylǵan aktivter halyqtyń ómir súrý sapasyn jáne óńirlik infraqurylymdy damytýdy tikelei jaqsartatyn naqty áleýmettik jobalardy iske asyrýǵa baǵyttalyp jatyr. Osy jumys aiasynda Qaraǵandy oblysynda jalpy quny 20 mlrd teńgeden asatyn 65 áleýmettik mańyzy bar joba iske asyryldy.
Quny 14 mlrd teńgeden asatyn 55 joba azamattardyń densaýlyǵyn qorǵaýǵa jáne densaýlyq saqtaý júiesin damytýǵa baǵyttaldy. Oblysta jańa feldsherlik-akýsherlik, meditsinalyq pýnktter men dárigerlik ambýlatoriialar paidalanýǵa berildi. Qoldanystaǵy iri meditsinalyq mekemelerdiń jabdyqtary aitarlyqtai jańartyldy.
Kommýnaldyq infraqurylym salasynda jalpy somasy shamamen 6 mlrd teńge bolatyn 10 nysannyń qurylysy aiaqtalyp, Temirtaý, Qaraǵandy qalalarynyń, sondai-aq, Abai, Shet, Qarqaraly jáne Osakarov aýdandarynyń turǵyndary sapaly aýyz sýmen qamtamasyz etildi.
