Aktrisa Merýert Ótekeshova áleýmettik jelidegi paraqshasynda «Qyz Jibek» filminde kigen kamzoly qaitadan ózine tabystalǵanyn aityp, áserli jazba jariialady, dep habarlaidy dalanews.kz.
Óner iesiniń aitýynsha, bul kiim ózi úshin jai ǵana sahnalyq kostiým emes, qazaq kinosy tarihynyń jáne óz ómiriniń ajyramas bóligi.
«Búgin júregim rizashylyqqa toly… Arada qanshama jyldar ótken soń, «Qyz Jibek» filminde kigen kamzolym qaitadan óz qolyma tidi. Bir kezde ol men somdaǵan keiipkerdiń ajyramas bólshegi bolsa, búginde men úshin ótken kúnderdiń qymbat esteligine ainaldy.
Ony qolyma alǵan sátte túsirilim alańyndaǵy umytylmas kúnder, birge eńbek etken ardaqty jandar kóz aldyma keldi. Osy kamzolmen qanshama estelik, qanshama ystyq sezim bailanysty…», – dep jazdy aktrisa.
Sondai-aq Merýert Ótekeshova bul erekshe syidy jasaǵan Baian Maqsatqyzyna alǵysyn bildirdi.
«Osyndai baǵa jetpes syi jasaǵan Baian Maqsatqyzyna shyn júrekten alǵysymdy bildiremin. Bul men úshin jai ǵana sahnalyq kiim emes, qazaq kinosy tarihynyń jáne óz ómirimniń bir bólshegi.
Baian Maqsatqyzy, ónerge degen zor qurmetińiz jáne júregimde máńgi saqtalatyn ótken kúndermen qaita qaýyshýyma múmkindik bergenińiz úshin sizge shyn júrekten alǵys aitamyn», – dedi ol.
