Jambyl oblysynyń Merki aýdanynda janarmai quiý beketinde sýyq qarýdy qoldaný arqyly jasalǵan shabýyl faktisi boiynsha ishki ister organdary qylmystyq isti tergep jatyr, dep habarlaidy Dalanews.kz.
Kúdikti izin sýytpai ustalyp, sottyń sanktsiiasymen qamaýǵa alyndy.
Osy fakti boiynsha Qylmystyq kodekstiń 293-babynyń 3-bóligi boiynsha (pyshaqpen jasalǵan buzaqylyq) 7 jylǵa deiin bas bostandyǵynan aiyrýdy kózdeitin qylmystyq is qozǵaldy.
Qylmystyq is Jambyl oblysy PD Tergeý basqarmasynyń óndirisine qabyldandy, jedel-tergeý toby quryldy.
Jedel-tergeý tobynyń jumysyn úilestirý úshin aimaqqa IIM ortalyq apparatynyń qyzmetkerleri jiberildi. Oqiǵany tolyq jáne jan-jaqty tergeý qamtamasyz etiledi.
Kúdiktiniń is-áreketin qaita saralaý týraly másele tergeý áreketteriniń nátijesi jáne qadaǵalaý organynyń kelisimi boiynsha qaralatyn bolady.
Sonymen qatar advokattyń ótinishi boiynsha jábirlenýshige politsiia qyzmetkerleri qatarynan kúzet qamtamasyz etildi.
Tergeý barysy QR Ishki ister ministriniń erekshe baqylaýynda.
