جامبىل وبلىسىنىڭ مەركى اۋدانىندا جانارماي قۇيۋ بەكەتىندە سۋىق قارۋدى قولدانۋ ارقىلى جاسالعان شابۋىل فاكتىسى بويىنشا ىشكى ىستەر ورگاندارى قىلمىستىق ءىستى تەرگەپ جاتىر، دەپ حابارلايدى Dalanews.kz.
كۇدىكتى ءىزىن سۋىتپاي ۇستالىپ، سوتتىڭ سانكسياسىمەن قاماۋعا الىندى.
وسى فاكتى بويىنشا قىلمىستىق كودەكستىڭ 293-بابىنىڭ 3-بولىگى بويىنشا (پىشاقپەن جاسالعان بۇزاقىلىق) 7 جىلعا دەيىن باس بوستاندىعىنان ايىرۋدى كوزدەيتىن قىلمىستىق ءىس قوزعالدى.
قىلمىستىق ءىس جامبىل وبلىسى پد تەرگەۋ باسقارماسىنىڭ وندىرىسىنە قابىلداندى، جەدەل-تەرگەۋ توبى قۇرىلدى.
جەدەل-تەرگەۋ توبىنىڭ جۇمىسىن ۇيلەستىرۋ ءۇشىن ايماققا ءىىم ورتالىق اپپاراتىنىڭ قىزمەتكەرلەرى جىبەرىلدى. وقيعانى تولىق جانە جان-جاقتى تەرگەۋ قامتاماسىز ەتىلەدى.
كۇدىكتىنىڭ ىس-ارەكەتىن قايتا سارالاۋ تۋرالى ماسەلە تەرگەۋ ارەكەتتەرىنىڭ ناتيجەسى جانە قاداعالاۋ ورگانىنىڭ كەلىسىمى بويىنشا قارالاتىن بولادى.
سونىمەن قاتار ادۆوكاتتىڭ ءوتىنىشى بويىنشا جابىرلەنۋشىگە پوليسيا قىزمەتكەرلەرى قاتارىنان كۇزەت قامتاماسىز ەتىلدى.
تەرگەۋ بارىسى ق ر ىشكى ىستەر ءمينيسترىنىڭ ەرەكشە باقىلاۋىندا.
