Kóksý men Alakól aýdandarynda berilgen úiler «Baqytty otbasy» baǵdarlamasy aiasynda satyp alynǵan. Tabystalǵan árbir úidiń aýdany 72 sharshy metrdi quraidy, árqaisysyna respýblikalyq biýdjetten 10 mln teńge qarajat jumsalǵan. Al Tekeli qalasyna respýblikalyq biýdjetten 96 mln teńge bólingen. Búgingi kúni 56 mln 400 myń teńgege atalǵan 10 úi satyp alynyp, turǵyn úi alý kezegindegi kópbalaly jáne az qamtylǵan otbasylarǵa berildi.
Jańa úilerge ie bolǵan alakóldik analar: Darmenova Liailia Tólegenqyzy – «Kúmis alqa» 6 balanyń anasy, Raimova Sarqyt Omarqyzy – «Altyn alqa» iegeri 7 balanyń anasy, Shybraimova Aliia Áýbákirqyzy – «Altyn alqa» iegeri 8 birdei balanyń anasy, Abdanova Gúlshat Ádilqyzy – 8 balanyń anasy «Altyn alqa» iegeri, Boranbaeva Aiman Slamqyzy 6 balanyń anasy jáne Eskova Irina 6 balanyń anasy.
Búginde 6 balanyń anasy I.Eskovanyń aitýynsha, bul kúndi kóp kútken.
Mundaǵy salynǵan jańa árbir úidiń aýdany 72 sharshy metrdi quraidy. Árqaisysyna respýblikalyq biýdjetten 10 mln teńge qarajat jumsalǵan.
Alakól aýdanynda búgingi kúni turǵyn úi qurylys jumystary josparly túrde júrgizilýde. Atap ótsek, «Nurly jer» memlekettik baǵdarlamasy aiasynda 2017 jyly 20 páter, 2018 jyly 60 páterli turǵyn úi kiltteri kezekte turǵan azamattarǵa berilse, aldaǵy ýaqytta eki 20 jáne bir 60 páterli turǵyn úidiń qurylysy bastalmaq.
Jalpy, Almaty oblysynda jyl basynan baspana berý baǵdarlamalary aiasynda 640 páter berilgen. Onyń ishinde kópbalaly otbasylar sany 263-ke jetip otyr. Jyl sońyna deiin oblysta 284 kópqabatty turǵyn úidiń qurylysy aiaqtalyp, 708 páter paidalanýǵa berilmek.
Merýert MAHMUTJAN,
Almaty oblysy
