BAQ-ta Shymkent qalasynyń bas arhıtektory ustalǵany týraly aqparat tarady. Qala ákiminiń orynbasary Rýslan Berdenov osy jaıtqa pikir bildirdi,- dep habarlaıdy Dalanews.kz.
"Aqparattyq keńistikte men jaıly taǵy bir jalǵan málimet tarady. Búgin ustalǵan, Shymkent qalasynyń sáýlet jáne qala qurylysy basqarmasynyń burynǵy basshysy Arman Ábdeshovke qatysty keıbir derekkózder taratqan aqparatty joqqa shyǵaramyn.
Onyń "meniń adamym" ekendigi jónindegi kez kelgen málimdemelerdiń eshqandaı negizi joq. Meniń oǵan esh qatysym joq. Ol bul laýazymǵa men ákimdikke kelgenge deıin taǵaıyndalǵan.
BAQ ókilderi men arna avtorlaryn jarıalar aldynda derekterdi muqıat tekserip, halyqty adastyrmaýǵa shaqyramyn", - dedi ol.
Aıta keteıik,Orda.kz málimetinshe, Shymkent qalalyq sáýlet jáne qala qurylysy basqarmasynyń basshysy Arman Ábdeshov bótenniń múlkin ıemdendi degen kúdikke ilingen.
