2013 jyly Almatyda bastaý alǵan forým búgingi kúni respýblika deńgeiinde júzege asyrylýda. 4 jyl ishinde forým 5 myńnan astam bilimdi, belsendi, talantty, daryndy jastardyń basyn biriktirip ǵana qoimai, stýdentterdiń jasampaz eńbekterin qoldaýǵa baǵyttalǵan birden-bir alań. Jańa talanttardy ashyp, ár qatysýshynyń ómirindegi mańyzdy kezeń jáne olardyń kásibi ósýi men shyǵarmashylyq órleýinde róli orasan zor.
Jalyndy jastardyń basyn qosqan aitýly baiqaý jinalǵan jurtshylyqty da jai qaldyrmai, kórermenge rýhani lázzat syilady. Patriottyq forýmnyń gala-kontsertinde memlekettik týymyz kókke kóterilip, Qazaqstan Respýblikasynyń Ánuranymen bastaý aldy. QazUÝ rektory Ǵalym Mutanuly sóz sóilep, baiqaýdyń mańyzdylyǵyn atap ótti. «Bul shynymen de respýblika boiynsha jastarǵa arnalǵan iri joba dep aitýǵa bolady. Jobanyń maqsaty- bizdiń bolashaqqa degen senimimizdi nyǵaitý. Biyl el Táýelsizdigine 25 jyl tolyp otyr. Árqaisymyzdy memleket azamaty, patriot retinde «Men elim úshin ne istei alamyn?», «Memleket damýynda qosar úlesim qandai?» degen oi tolǵandyratynyn bilemin. Osy turǵyda búgingi baiqaý jastardyń oi-tolǵamyn shynaiy dáleldeýi úshin júzege asyryp otyr.Óitkeni, Elbasy aitqandai, Qazaqstan Máńgilik el bolyp qalý úshin biz jastarǵa senýimiz kerek!»,-dedi óz sózinde Ǵ.Mutanov.
Gala-kontsertke óner juldyzdary men QazUÝ jastary belsendi at salysty. QazUÝ jastary «Meniń Qazaqstanym» ánin, «Ulytaý» toby «Adai» kúiin oryndap, stýdentter men qalyń qaýymdy odan ári shabyttandyra tústi. Ánshi Madina Sádýaqasova ásem ánimen terbetip, «Baqyt» bi ansambli myń buralǵan biin tartý etti. Sondai-aq, án baiqaýynyń jeńimpazdary «Kók týdyń jelbiregeni» ánimen kópshiliktiń patriottyq sezimin arttyra túskeni ras.
Bir ai kóleminde respýblikamyzdyń 63 joǵary oqý oryndarynan 1,5 myńnan astam jumystar kelip túsip, olardyń ishinen oq boiy oza shapqan 281 avtor gala-forýmǵa qatysty.
Qazylar baiqaý qatysýshylaryn arnaiy nominatsiialarmen madaqtap , baǵaly syilyqtar tabystady. Al bas júlde iegerlerine QazUÝ-da bir jyl tegin oqý granty buiyrdy. Sonymen, «Elimizdiń innovatsiialyq damýyna meniń qosqan naqty úlesim» atty innovatsiialyq joba baiqaýynda M.H. Dýlati atyndaǵy TarGÝ stýdenti Karsheva Kseniia jeńimpaz atanyp, óz áserimen bólisti.
- Qýanyshymda shek joq. Bizderge osyndai múmkindikter jasaǵan uiymdastyrýshylarǵa alǵys aitamyn. Men elimizdiń iinovatsiialyq damýyna qosqan naqty úlesim» atty innovatsiialyq jobalar baiqaýy boiynsha jeńimpaz atanyp otyrmyn. Maǵan ál-Farabi atyndaǵy QazUÝ-de 1 jyl tegin oqý granty berilip otyr. Múmkindik bolsa, magistratýramdy osy JOO-da jalǵastyrǵym keledi, - dedi ol.
Al «Men jastarǵa senemin!» poeziialyq shyǵarmalar baiqaýynda M. Ótemisov atyndaǵy Batys Qazaqstan memlekettik ýniversitetiniń stýdenti Ǵilymjanov Márlen aqyndar arasynan myqty dep tanyldy. Márlen baiqaý barysynda qiyndyq bolmaǵanymen, atalmysh jarystyń jastar úshin kerektigin aita ketti.
«Men memleketimniń gúldenýi úshin ne istei alamyn?» atty esseler baiqaýynda «Narhoz» ýniversitetiniń stýdenti Negizbaeva Saida, «Máńgilik el muratym!» atty patriottyq ánder baiqaýynda Qaraǵandy memlekettik meditsina ýniversitetiniń stýdenti Týleev Aidar jeńimpaz atanyp, jastardyń rýhani kemeldenýindegi baiqaýdyń rólin atap ótip, uiymdastyrýyshylarǵa alǵystaryn bildirdi.
Jazerke Karataeva
