AQSh prezidenti Donald Tramp Izraildiń Livanǵa jasaǵan jańa soqqylaryna bailanysty premer-ministr Biniamin Netaniahýmen telefon arqyly sóilesý kezinde qatty ashýlanǵan. Bul týraly Axios basylymy derekkózderge silteme jasap málimdedi, dep habarlaidy dalanews.kz.
Basylymnyń dereginshe, Tramp áńgime barysynda emotsiiasyn jasyrmai, Izrail basshysynyń áreketterin qatań synǵa alǵan.
"Men bolmaǵanda sen qazir túrmede otyrar ediń. Men seni únemi qorǵap kelemin. Al endi osynyń kesirinen bári seni de, Izraildi de jek kóre bastady" – dep aitqan Tramp.
Aq úi basshysynyń narazylyǵyna Izraildiń Livan aýmaǵyna jasaǵan jańa áýe shabýyldary sebep bolǵany aitylady. Tramptyń pikirinshe, bul áreketter buǵan deiin qol jetkizilgen kelisimderdi buzyp, beibit turǵyndar arasynda adam shyǵynyna ákelgen.
Sondai-aq derekkózderdiń aitýynsha, AQSh prezidenti Netaniahýdy Izraildiń halyqaralyq deńgeide oqshaýlaný qaýpi kúsheiip kele jatqany jóninde eskertken.
Osy jaǵdai aiasynda AQSh pen Iran arasyndaǵy kelissózderdiń de ýaqytsha toqtatylýy múmkin ekeni týraly aqparat tarady.
