Memlekettik qyzmetti elektrondy júiege kóshirý óz jemisin berip jatyr
Búgin Qazaqstan Respýblikasy Úkimetiniń otyrysynda Aqparat jáne kommýnikatsiialar ministri Dáýren Abaev memlekettik qyzmetter kórsetý máseleleri jóninde baiandama jasady.
– Búgin memlekettik kórsetiletin qyzmetter tiziliminde 739 ataý bar, olardyń 530-yn elektrondyq úkimet portaly jáne Memlekettik korporatsiia arqyly alýǵa bolady. Osy jyly vedomstvoaralyq komissiia otyrystarynda qaǵaz túrinde kórsetiletin 209 memlekettik qyzmet qaralyp, olardyń 53-i «Azamattarǵa arnalǵan úkimetke» berildi, – dedi ministr.
Sonymen birge, ol qalǵan 156 qyzmet ótinish iesiniń óziniń qatysýyn talap etetindikten, olardy kóshirý áli orynsyz. Mysaly, meditsinalyq anyqtamalardy, shekara jolaǵynan shyǵý jáne kelý ruqsatnamalaryn berý, QR azamattaryn shetelde esepke alý kezindegi siiaqty rásimder. Alaida, komissiianyń memlekettik kórsetiletin qyzmetterdi elektrondyq nysanǵa kóshirý boiynsha jumysy jalǵasatyn bolady. Osylaisha, jyldyń aiaǵyna deiin barlyq memlekettik kórsetiletin qyzmetterdiń 80% «elektrondyq úkimet» jáne memlekettik korporatsiia arqyly usynylatyn bolatynyn ministr atap ótti.
Sondai-aq, D. Abaev Qazaqstanda «elektrondyq úkimettiń» infraqurylymy tolyǵymen jasaqtalǵanyn habarlady. Portaldy paidalanýshylar sany 5,5 mln. astam adamdy nemese Qazaqstannyń 61% ekonomikalyq turǵydan belsendi turǵyndaryn quraitynyn alǵa tartty. Portal arqyly 147 mln. astam elektrondyq qyzmet kórsetilgen, tranzaktsiianyń jalpy somasy 23 jarym mlrd teńgeni quraǵan. Negizinen bular – aiyppuldar men salyq tólemderi.
– Azamattar úilerinen shyqpai, nekege turý, balanyń týýy jónindegi járdemaqy, balabaqshaǵa kezekke qoiý siiaqty qyzmetterdi ala alady. Sondai-aq elektrondyq qyzmetter mobildi qosymshada da qoljetimdi. Keibir anyqtama túrlerin smartfon arqyly alýǵa bolady, – dep atap ótti ministr.
Baiandamadaǵy tarmaqtarynyń biri Memleket basshysynyń tapsyrmasy boiynsha qurylǵan ózine Halyqqa qyzmet kórsetý ortalyqtaryn, Jyljymaityn múlik jónindegi ortalyqtaryn, Zeinetaqy tóleý jónindegi memlekettik ortalyqtaryn, Jer kadastrynyń ǵylymi-óndiristik ortalyqtaryn biriktirgen «Azamattarǵa arnalǵan úkimet» memlekettik korporatsiiasynyń jumysy jóninde boldy.
Júrgizilgen ońtailandyrý nátijesinde Memlekettik korporatsiianyń front-ofisteriniń sany 270-ten 353-ke deiin ósip, basqarýshylyq qyzmetkerler sany 47,7% qysqardy, 126 ǵimarat ońtailandyrylǵan. Memlekettik korporatsiia arqyly 25 mln. astam qyzmet kórsetildi.
Kedergisiz ortany qamtamasyz etý úshin «Azamattarǵa arnalǵan úkimet» múmkindigi shekteýli adamdarǵa qyzmet kórsetý úshin qyzmetkerlerdiń baryp qyzmet kórsetýin iske asyrýda. Sondai-aq, Memlekettik korporatsiiaǵa múmkindigi shekteýli 376 adam jumysqa ornalasty, isharamen sóileý boiynsha 703 qyzmetker oqytyldy. Mundai praktika jalǵasatyn bolady: Memlekettik korporatsiia jyl saiyn kem degende 10 múmkindigi shekteýli adamdy jumysqa qabyldaýdy josparlap otyr.
Ministr mamandandyrylǵan HQKO jumysy boiynsha qazirgi ýaqytta 488 myńǵa jýyq júrgizýshi kýáligi berilgenin habarlady. Kólik quraldaryn tirkeý jáne agregattardy birýaqytta salystyryp tekserýmen memlekettik nómirlerin berý protsesi ońtailandyryldy. 1,9 mlrd. teńgege 6 myńǵa jýyq suranysy joǵary nómirler berildi. Halyqqa yńǵaily bolýy úshin mamandandyrylǵan HQKO-da meditsinalyq qyzmetkerlerdiń qyzmeti (dáriger komissiiasy, narkolog, psihiator) qamtamasyz etilgen.
Ministrdiń sózinshe, joǵaryda atalǵan barlyq jumys jańa «Tsifrlyq Qazaqstan» memlekettik baǵdarlamasyn iske asyrý sheńberinde jalǵasatyn bolady.
«QmD» aqparat
