بۇگىن قازاقستان رەسپۋبليكاسى ۇكىمەتىنىڭ وتىرىسىندا اقپارات جانە كوممۋنيكاسيالار ءمينيسترى داۋرەن ابايەۆ مەملەكەتتىك قىزمەتتەر كورسەتۋ ماسەلەلەرى جونىندە بايانداما جاسادى.
– بۇگىن مەملەكەتتىك كورسەتىلەتىن قىزمەتتەر تىزىلىمىندە 739 اتاۋ بار، ولاردىڭ 530-ىن ەلەكتروندىق ۇكىمەت پورتالى جانە مەملەكەتتىك كورپوراسيا ارقىلى الۋعا بولادى. وسى جىلى ۆەدومستۆوارالىق كوميسسيا وتىرىستارىندا قاعاز تۇرىندە كورسەتىلەتىن 209 مەملەكەتتىك قىزمەت قارالىپ، ولاردىڭ 53ء-ى «ازاماتتارعا ارنالعان ۇكىمەتكە» بەرىلدى، – دەدى مينيستر.
سونىمەن بىرگە، ول قالعان 156 قىزمەت ءوتىنىش يەسىنىڭ ءوزىنىڭ قاتىسۋىن تالاپ ەتەتىندىكتەن، ولاردى كوشىرۋ ءالى ورىنسىز. مىسالى، مەديسينالىق انىقتامالاردى، شەكارا جولاعىنان شىعۋ جانە كەلۋ رۇقساتنامالارىن بەرۋ، ق ر ازاماتتارىن شەتەلدە ەسەپكە الۋ كەزىندەگى سياقتى راسىمدەر. الايدا، كوميسسيانىڭ مەملەكەتتىك كورسەتىلەتىن قىزمەتتەردى ەلەكتروندىق نىسانعا كوشىرۋ بويىنشا جۇمىسى جالعاساتىن بولادى. وسىلايشا، جىلدىڭ اياعىنا دەيىن بارلىق مەملەكەتتىك كورسەتىلەتىن قىزمەتتەردىڭ 80% «ەلەكتروندىق ۇكىمەت» جانە مەملەكەتتىك كورپوراسيا ارقىلى ۇسىنىلاتىن بولاتىنىن مينيستر اتاپ ءوتتى.
سونداي-اق، د. ابايەۆ قازاقستاندا «ەلەكتروندىق ۇكىمەتتىڭ» ينفراقۇرىلىمى تولىعىمەن جاساقتالعانىن حابارلادى. پورتالدى پايدالانۋشىلار سانى 5،5 ملن. استام ادامدى نەمەسە قازاقستاننىڭ 61% ەكونوميكالىق تۇرعىدان بەلسەندى تۇرعىندارىن قۇرايتىنىن العا تارتتى. پورتال ارقىلى 147 ملن. استام ەلەكتروندىق قىزمەت كورسەتىلگەن، ترانزاكسيانىڭ جالپى سوماسى 23 جارىم ملرد تەڭگەنى قۇراعان. نەگىزىنەن بۇلار – ايىپپۇلدار مەن سالىق تولەمدەرى.
– ازاماتتار ۇيلەرىنەن شىقپاي، نەكەگە تۇرۋ، بالانىڭ تۋۋى جونىندەگى جاردەماقى، بالاباقشاعا كەزەككە قويۋ سياقتى قىزمەتتەردى الا الادى. سونداي-اق ەلەكتروندىق قىزمەتتەر ءموبيلدى قوسىمشادا دا قولجەتىمدى. كەيبىر انىقتاما تۇرلەرىن سمارتفون ارقىلى الۋعا بولادى، – دەپ اتاپ ءوتتى مينيستر.
بايانداماداعى تارماقتارىنىڭ ءبىرى مەملەكەت باسشىسىنىڭ تاپسىرماسى بويىنشا قۇرىلعان وزىنە حالىققا قىزمەت كورسەتۋ ورتالىقتارىن، جىلجىمايتىن مۇلىك جونىندەگى ورتالىقتارىن، زەينەتاقى تولەۋ جونىندەگى مەملەكەتتىك ورتالىقتارىن، جەر كاداسترىنىڭ عىلىمي-وندىرىستىك ورتالىقتارىن بىرىكتىرگەن «ازاماتتارعا ارنالعان ۇكىمەت» مەملەكەتتىك كورپوراسياسىنىڭ جۇمىسى جونىندە بولدى.
جۇرگىزىلگەن وڭتايلاندىرۋ ناتيجەسىندە مەملەكەتتىك كورپوراسيانىڭ فرونت-وفيستەرىنىڭ سانى 270-تەن 353-كە دەيىن ءوسىپ، باسقارۋشىلىق قىزمەتكەرلەر سانى 47،7% قىسقاردى، 126 عيمارات وڭتايلاندىرىلعان. مەملەكەتتىك كورپوراسيا ارقىلى 25 ملن. استام قىزمەت كورسەتىلدى.
كەدەرگىسىز ورتانى قامتاماسىز ەتۋ ءۇشىن «ازاماتتارعا ارنالعان ۇكىمەت» مۇمكىندىگى شەكتەۋلى ادامدارعا قىزمەت كورسەتۋ ءۇشىن قىزمەتكەرلەردىڭ بارىپ قىزمەت كورسەتۋىن ىسكە اسىرۋدا. سونداي-اق، مەملەكەتتىك كورپوراسياعا مۇمكىندىگى شەكتەۋلى 376 ادام جۇمىسقا ورنالاستى، يشارامەن سويلەۋ بويىنشا 703 قىزمەتكەر وقىتىلدى. مۇنداي پراكتيكا جالعاساتىن بولادى: مەملەكەتتىك كورپوراسيا جىل سايىن كەم دەگەندە 10 مۇمكىندىگى شەكتەۋلى ادامدى جۇمىسقا قابىلداۋدى جوسپارلاپ وتىر.
مينيستر مامانداندىرىلعان حقكو جۇمىسى بويىنشا قازىرگى ۋاقىتتا 488 مىڭعا جۋىق جۇرگىزۋشى كۋالىگى بەرىلگەنىن حابارلادى. كولىك قۇرالدارىن تىركەۋ جانە اگرەگاتتاردى ءبىرۋاقىتتا سالىستىرىپ تەكسەرۋمەن مەملەكەتتىك نومىرلەرىن بەرۋ پروسەسى وڭتايلاندىرىلدى. 1،9 ملرد. تەڭگەگە 6 مىڭعا جۋىق سۇرانىسى جوعارى نومىرلەر بەرىلدى. حالىققا ىڭعايلى بولۋى ءۇشىن مامانداندىرىلعان حقكو-دا مەديسينالىق قىزمەتكەرلەردىڭ قىزمەتى (دارىگەر كوميسسياسى، ناركولوگ، پسيحياتور) قامتاماسىز ەتىلگەن.
ءمينيستردىڭ سوزىنشە، جوعارىدا اتالعان بارلىق جۇمىس جاڭا «سيفرلىق قازاقستان» مەملەكەتتىك باعدارلاماسىن ىسكە اسىرۋ شەڭبەرىندە جالعاساتىن بولادى.
«قمد» اقپارات
