Qazaqstanda memlekettik qyzmetshilerge syiaqy (premiia), materialdyq kómek jáne ústemaqy tóleý qaǵidalary jańartyldy. Tiisti ózgerister Qazaqstan Respýblikasynyń Úkimeti qabyldaǵan 2026 jylǵy 29 qańtardaǵy №54 qaýlyda kórsetilgen. Qujat 2026 jyldyń 1 qańtarynan bastap kúshine endi, dep habarlaidy Dalanews.kz.
Qandai jaǵdaida syiaqy tólenedi?
Zanger.prg sarapshylarynyń málimetinshe, jańa tártipke sáikes, memlekettik qyzmetshilerge syiaqy kelesi jaǵdailarda berilýi múmkin:
-
qyzmettik mindetterin úlgili oryndaǵany úshin;
-
minsiz memlekettik qyzmeti úshin;
-
erekshe mańyzy bar jáne kúrdeli tapsyrmalardy oryndaǵany úshin;
-
belgili bir kezeńdegi jumys nátijeleri úshin;
-
shuǵyl ári aldyn ala josparlanbaǵan, biraq mekemeniń nemese onyń bólimsheleriniń qalypty jumys isteýi úshin mańyzdy tapsyrmalardy ýaqytynda oryndaǵany úshin;
-
Úkimettiń zań jobalaý jumystary josparyn, sondai-aq Prezidenttiń, Úkimettiń jáne Premer-Ministrdiń aktileri men tapsyrmalaryn ýaqtyly ári sapaly oryndaǵany úshin;
-
eger bul tikelei qyzmettik mindetine kirmese, zań jobalaryn, kelisimder men normativtik-quqyqtyq aktilerdi ázirlegeni úshin;
-
ózge de eńbek jetistikteri men qyzmettik baǵalaý nátijeleri boiynsha.
Qai kezde berilýi múmkin?
Syiaqy tóleý:
-
mereke kúnderine,
-
mereitoilyq datalarǵa,
-
qyzmetkerlerdiń jeke mereitoilaryna orai da taǵaiyndalýy múmkin.
Kim sheshim qabyldaidy?
Ortalyq memlekettik organdardyń, jergilikti atqarýshy organdardyń jáne jergilikti biýdjetten qarjylandyrylatyn mekemelerdiń birinshi basshylary (nemese olardy almastyratyn tulǵalar) qyzmetkerlerge syiaqy tóleý tártibin ózderi ázirlep, bekitýge quqyly.
