Memlekettik qyzmetshilerge jumys ornynda smartfondy paidalanýǵa ruqsat berilgeli otyr. Bul týraly Úkimet otyrysynan keiin tilshilerge bergen jaýabynda QR Tsifrlyq damý, innovatsiialar jáne aeroǵarysh ónerkásibi ministri Asqar Jumaǵaliev aitty, dep habarlaidy Dalanews.kz QazAqparat-qa silteme jasap.
"Memlekettik organdar ornalasqan ǵimarat ieleri politsiia organdarymen birge nusqaýlyqqa qol qoiýy tiis. Osydan keiin ǵana memlekettik qyzmetkerler ǵimaratta smartfondardy qoldana alady. Dese de, aqparattyq qaýipsizdik máselesin nazardan shyǵarmaý kerek. Tiisti qaýlyǵa búgin qol qoiyldy. Ǵimarat ieleri men politsiia taiaýda nusqaýlyqqa qol qoiady", - dedi ministr Úkimet otyrysynan keiin.
Asqar Jumaǵaliev azamattar úshin memlekettik organdarǵa smartfondardy alyp kirý máselesi tiisti nusqaýlyqtarmen sheshiletinin aityp ótti.
Óz kezeginde Aqparat jáne qoǵamdyq damý ministri Dáýren Abaev memqyzmetshilerge naqty qashan ruqsat beriletinin aitty.
"Naqty ýaqyt belgisiz. Maquldanýy kerek. Árbir memlekettik organda bir aidyń ishinde maquldanýy kerek", - dedi ol.
Aita ketsek, jaqynda memlekettik organ ǵimarattarynda memlekettik qyzmetshilerge smartfon paidalanýǵa ruqsat berilýi múmkin ekeni buǵan deiin de habarlanǵan bolatyn.
