Búgin Qonaev qalalyq ákimdiginiń bólimderi memlekettik qyzmetter boıynsha 100-den asa turǵynǵa konsýltasıalyq kómek kórsetti. Atalǵan shara sybaılas jemqorlyqqa qarsy mádenıetti qalyptastyrý maqsatynda uıymdastyryldy,  dep habarlaıdy Dalanews.kz. 

«Qazirgi tańda respýblıka boıynsha «Sybaılas jemqorlyqqa qarsy top» atty naýqan ótip jatyr. Naýqan barysynda turǵyndardy mazalaǵan kez kelgen suraqtarǵa jaýap beriledi. Shara negizinen halyq kóp shoǵyrlanatyn nysandarda, aýmaqtarda uıymdastyrylýda», – dedi Almaty oblystyq sybaılas jemqorlyqqa qarsy is-qımyl departamenti basshysynyń birinshi orynbasary Aıdos Mamyt.

Búgin keńes alýǵa kelgen adamdardyń kóbi jumyspen qamtý, TÚKSH, jer qatynastary salasy boıynsha suraqtar qoıdy.