Bul tusta, memlekettik organdar jumysynyń deńgeıin arttyrý, memlekettik qyzmetterdiń sapasyn kótere otyryp, bıznes pen halyqqa jeńildetilgen jáne jedel qyzmet usyný – búgingi kúnniń basty mindetteriniń biri.
Memlekettik qyzmet isteri Agenttiginiń Shymkent qalasy boıynsha departamentimen memlekettik qyzmetter kórsetý salasyndaǵy zańnamany, olardyń prosedýralaryn jetildirý men memlekettik qyzmetter kórsetý salasyn sıfrlandyrý, memlekettik qyzmet kórsetý sapasyna baqylaý jasaý boıynsha júıeli jumystar atqarylýda.
Bul baǵytta, Departament janyndaǵy Vedomstvoaralyq jumys toby memlekettik qyzmet kórsetý baǵytyndaǵy máselelerdi qaraý boıynsha qoǵam belsendilerimen birlesip qoǵamdyq baqylaý jumystary turaqty túrde júrgizilýde.
Bul joly, jumys toby qoǵamdyq baqylaýdy Shymkent qalasy ákimdiginiń Qarataý jáne Eńbekshi aýdandaryndaǵy Halyqty jumyspen qamtý ortalyqtarynda júrgizdi.
Ortalyq tarapynan múmkindigi shekteýli jandar úshin jasalǵan jaǵdaıy, qyzmet alýshylarǵa arnalǵan qabyldaýdyń sapaly uıymdastyrylýy, ózine-ózi qyzmet kórsetý buryshy jáne t.b. máseleleri boıynsha monıtorıń júrgizildi.
Monıtorıńtik toptyń músheleri qyzmet kórsetýde jurtshylyqqa qolaıly jaǵdaı jasap, ár qyzmet alýshynyń máselesine muqıat qaraýdy jáne jumys oryndarynda qyzmetkerler men qyzmet alýshylardyń medısınalyq betperdemen, sanıtarlyq-dezınfeksıalyq rejımin qatań saqtaý qajettiligin jetkizdi.
Monıtorıń jumystarynyń nátıjesinde birqatar usynystar men eskertpeler bildirildi. Ol, múmkindigi shekteýli jandar úshin shaqyrý túımesin ońtaılandyrý jáne qyzmet alýshylar úshin elektrondyq kezekti tıisti deńgeıde uıymdastyrý.
Jumys tobynyń músheleri tarapynan aldaǵy ýaqytta da memlekettik qyzmet kórsetýshi mekemelerge turaqty túrde qoǵamdyq baqylaý jumystary júrgiziletin bolady.
