Bul talapty Qasym-Jomart Toqaev Úkimettiń keńeitilgen otyrysynda qoidy, dep jazady Dalanews.kz.
"Investorlarǵa, mysaly, 50 million dollardan kóp qarjy salýǵa daiyn iri kompaniialarǵa «bir tereze» qaǵidasymen jan-jaqty qoldaý kórsetken jón. Sonymen qatar, jobalardyń iske asyrylýyn qadaǵalaityn tiimdi monitoring júiesin iske qosý kerek.
Memlekettik organdar paidasy joq prezentatsiialar men is-sharalar ótkizýmen áýestenbeýge tiis. Mekeme basshylarynyń shetelge jasaǵan árbir issapary naqty nátije berýge tiis. Sapar qorytyndysy boiynsha Úkimet basshylyǵyna, nemese, qajet bolǵan jaǵdaida Prezidentke esep berilýi kerek", - dedi Prezident.
Ol investitsiialyq jobalardy iske asyrýǵa qatysty kedergiler, ásirese, aimaqtarda jii bolyp turatynyn jetkizdi.
"Ákimder investitsiia tartýdyń ornyna eski ádetke salyp, biýdjet qarajatyna senip otyrady. Al, aimaqtarǵa baryp, jumys istegisi keletin investor kóptegen tosqaýylǵa tap bolady. Jergilikti bilik kóp jaǵdaida eshqandai áreket jasamaidy ne bolmasa investordy áýre-sarsańǵa salady. Sonyń kesirinen kásipker jobasyn keiinge shegeredi nemese birjola toqtatýǵa májbúr bolady", - dedi Toqaev.
Prezident aimaqqa jeke investitsiia tartý ákimderdiń eń basty mindetiniń biri bolýy kerek ekenin de aitty. Jalpy, barlyq memlekettik organ el ekonomikasyna meilinshe kóbirek investitsiia tartýǵa basa mán berýge tiis.
