Tamyz aiynda qazaqstandyqtar halyqaralyq aqsha aýdarý júieleri arqyly shetelge 27,9 mlrd teńge jibergen. Bul shilde aiyndaǵy kórsetkishten (56,4 mlrd teńge) shamamen eki ese az, dep habarlaidy dalanews.kz.
Infliatsiiany esepke alǵanda, bul kórsetkish keminde 2016 jyldyń qańtarynan bergi eń tómen deńgei bolyp otyr.Eń kóp tómendeý Resei baǵyty boiynsha tirkeldi:
- Resei — 12 mlrd teńge (14,3 ese azaidy);
- Ózbekstan— 12,3 mlrd teńge (-39%);
- Túrkiia — 4,6 mlrd teńge (-21%);
- Qyrǵyzstan — 0,7 mlrd teńge (-75%).
Shetelden Qazaqstanǵa keletin aqsha aýdarymdary da azaiǵan. Tamyzda elge 12,2 mlrd teńge túsken, bul shildemen salystyrǵanda 24%-ǵa tómen.
Sarapshylar muny Reseige qarsy engizilgen jańa sanktsiialarmen jáne halyqaralyq aýdarymdar naryǵyndaǵy ózgeristermen bailanystyrady. Tamyzdan bastap buryn aýdarymdardyń negizgi bóligin ótkizgen «Zolotaia Korona» júiesi Ulttyq bank statistikasynda kórsetilmei qaldy.
