Тамыз айында қазақстандықтар халықаралық ақша аудару жүйелері арқылы шетелге 27,9 млрд теңге жіберген. Бұл шілде айындағы көрсеткіштен (56,4 млрд теңге) шамамен екі есе аз, деп хабарлайды dalanews.kz.
Инфляцияны есепке алғанда, бұл көрсеткіш кемінде 2016 жылдың қаңтарынан бергі ең төмен деңгей болып отыр.Ең көп төмендеу Ресей бағыты бойынша тіркелді:
- Ресей — 12 млрд теңге (14,3 есе азайды);
- Өзбекстан— 12,3 млрд теңге (-39%);
- Түркия — 4,6 млрд теңге (-21%);
- Қырғызстан — 0,7 млрд теңге (-75%).
Шетелден Қазақстанға келетін ақша аударымдары да азайған. Тамызда елге 12,2 млрд теңге түскен, бұл шілдемен салыстырғанда 24%-ға төмен.
Сарапшылар мұны Ресейге қарсы енгізілген жаңа санкциялармен және халықаралық аударымдар нарығындағы өзгерістермен байланыстырады. Тамыздан бастап бұрын аударымдардың негізгі бөлігін өткізген «Золотая Корона» жүйесі Ұлттық банк статистикасында көрсетілмей қалды.
