Túrkistan oblysynda 5 mln teńge bopsalady degen kúdikpen er adam ustaldy, dep habarlaidy dalanews.kz.
Túrkistan oblysy Politsiia departamenti uiymdasqan qylmysqa qarsy kúres basqarmasynyń qyzmetkerleri jedel izdestirý is-sharalary barysynda aqsha bopsalady degen kúdikpen Saryaǵash aýdanynyń 38 jastaǵy turǵynyn ustady.
Aldyn ala málimet boiynsha er adam Shymkent qalasynyń turǵynyn ar-namysyna nuqsan keltiretin málimetti taratamyn dep qorqytyp, odan 5 million teńge talap etken. Tintý barysynda kúdiktiden telefon men 5 million teńge kólemindegi aqsha tabylyp, tárkilendi.
"Er adam buǵan deiin urlyq pen esirtki saqtaý derekteri boiynsha qylmystyq jaýapkershilikke tartylǵan. Qazir kúdikti qamaýda. Sotqa deiingi tergep-tekserý júrgizilip jatyr", - dep jazylǵan habarlamada.
