Bul týraly Azattyq habarlady.
"Qyzmet babyn teris maqsatta paidalandy" jáne "memlekettik qupiialardy zańsyz jinaý, taratý, jariia etti" dep aiyptalǵan prezident ákimshiliginiń burynǵy joǵary shendi qyzmetkeri 2017 jyly 5 jylǵa sottalǵan bolatyn.
Nur-Sultan qalasynyń qylmystyq-atqarý júiesi departamenti ókilderiniń Azattyqqa aitýynsha, Baǵlan Mailybaev Nur-Sultannyń tergeý izoliatorynan 30 mamyrda bosap shyqqan. Ol 1 jyl 4 ai 21 kún túrme jazasy qalǵan kezde bosap shyqqan.
Ákesi Asaýbai Mailybaev Azattyq tilshisine túrmeden bosap shyqqan ulynyń jaǵdaiy qalypty ekenin aitty.
Byltyr naýryz aiynda Esil aýdandyq soty Baǵlan Mailybaevtyń qonys koloniiasyna aýystyrý týraly ótinishin qanaǵattandyrmaǵan bolatyn.
Prezident ákimshiligi jetekshisiniń burynǵy orynbasary Baǵlan Mailybaev 2017 jyly qańtardyń 12-si kúni qyzmetinen bosatylǵan. Birneshe kúnnen keiin ulttyq qaýipsizdik komiteti Mailybaevtyń "Qyzmet babyn teris maqsatta paidalaný" jáne "Memlekettik qupiialardy zańsyz jinaý, taratý, jariia etý" baby boiynsha kúdikke ilingenin habarlaǵan.
Mailybaev prezident ákimshiliginde ideologiia jáne ishki saiasat máselelerine jaýapty boldy. Onyń soty jabyq ótti. 2017 jyly sot túrme jazasymen birge Mailybaevqa dúnie-múlkin tárkilep, memlekettik organdarda laýazymdy qyzmet atqarý quqyǵynan ómir boiyna aiyrýǵa da úkim etken.
Onymen birge ustalǵan prezident ákimshiligi ishki saiasat bólimi bastyǵynyń orynbasary Nikolai Galihin shartty túrde sottaldy.
Mamyr aiynda Mailybaevtyń túrmeden bosap shyqqany týraly aqparat BAQ-ta jariialanbady. Nur-Sultan qalalyq sotynyń baspasóz qyzmeti Azattyqqa resmi saýalsyz jaýap berýden bas tartqan.
