بۇل تۋرالى ازاتتىق حابارلادى.
"قىزمەت بابىن تەرٸس ماقساتتا پايدالاندى" جەنە "مەملەكەتتٸك قۇپييالاردى زاڭسىز جيناۋ, تاراتۋ, جارييا ەتتٸ" دەپ ايىپتالعان پرەزيدەنت ەكٸمشٸلٸگٸنٸڭ بۇرىنعى جوعارى شەندٸ قىزمەتكەرٸ 2017 جىلى 5 جىلعا سوتتالعان بولاتىن.
نۇر-سۇلتان قالاسىنىڭ قىلمىستىق-اتقارۋ جٷيەسٸ دەپارتامەنتٸ ٶكٸلدەرٸنٸڭ ازاتتىققا ايتۋىنشا, باعلان مايلىباەۆ نۇر-سۇلتاننىڭ تەرگەۋ يزولياتورىنان 30 مامىردا بوساپ شىققان. ول 1 جىل 4 اي 21 كٷن تٷرمە جازاسى قالعان كەزدە بوساپ شىققان.
ەكەسٸ اساۋباي مايلىباەۆ ازاتتىق تٸلشٸسٸنە تٷرمەدەن بوساپ شىققان ۇلىنىڭ جاعدايى قالىپتى ەكەنٸن ايتتى.
بىلتىر ناۋرىز ايىندا ەسٸل اۋداندىق سوتى باعلان مايلىباەۆتىڭ قونىس كولونيياسىنا اۋىستىرۋ تۋرالى ٶتٸنٸشٸن قاناعاتتاندىرماعان بولاتىن.
پرەزيدەنت ەكٸمشٸلٸگٸ جەتەكشٸسٸنٸڭ بۇرىنعى ورىنباسارى باعلان مايلىباەۆ 2017 جىلى قاڭتاردىڭ 12-سٸ كٷنٸ قىزمەتٸنەن بوساتىلعان. بٸرنەشە كٷننەن كەيٸن ۇلتتىق قاۋٸپسٸزدٸك كوميتەتٸ مايلىباەۆتىڭ "قىزمەت بابىن تەرٸس ماقساتتا پايدالانۋ" جەنە "مەملەكەتتٸك قۇپييالاردى زاڭسىز جيناۋ, تاراتۋ, جارييا ەتۋ" بابى بويىنشا كٷدٸككە ٸلٸنگەنٸن حابارلاعان.
مايلىباەۆ پرەزيدەنت ەكٸمشٸلٸگٸندە يدەولوگييا جەنە ٸشكٸ ساياسات مەسەلەلەرٸنە جاۋاپتى بولدى. ونىڭ سوتى جابىق ٶتتٸ. 2017 جىلى سوت تٷرمە جازاسىمەن بٸرگە مايلىباەۆقا دٷنيە-مٷلكٸن تەركٸلەپ, مەملەكەتتٸك ورگانداردا لاۋازىمدى قىزمەت اتقارۋ قۇقىعىنان ٶمٸر بويىنا ايىرۋعا دا ٷكٸم ەتكەن.
ونىمەن بٸرگە ۇستالعان پرەزيدەنت ەكٸمشٸلٸگٸ ٸشكٸ ساياسات بٶلٸمٸ باستىعىنىڭ ورىنباسارى نيكولاي گاليحين شارتتى تٷردە سوتتالدى.
مامىر ايىندا مايلىباەۆتىڭ تٷرمەدەن بوساپ شىققانى تۋرالى اقپارات باق-تا جارييالانبادى. نۇر-سۇلتان قالالىق سوتىنىڭ باسپاسٶز قىزمەتٸ ازاتتىققا رەسمي ساۋالسىز جاۋاپ بەرۋدەن باس تارتقان.
