Úkimet otyrysynda Premer-ministr Oljas Bektenov Prezidenttiń tariftik saiasatqa qatysty baǵdarlamalyq suhbatynan keiin birqatar naqty tapsyrma berdi, dep habarlaidy Dalanews.kz.
Otyrysta fiskaldyq saiasatty qaita qaraý qajettigi aityldy. Úkimet baqylaýǵa negizdelgen tásilden seriktestikke baǵyttalǵan modelge kóshýi tiis. Bul qadam ekonomikalyq júiedegi qalyptasqan teńsizdikterdi azaitýǵa múmkindik beredi.
Sonymen qatar energetika jáne kommýnaldyq sektordaǵy qabyldanǵan sheshimderdi ýaqtyly ári sapaly iske asyrýdyń mańyzdylyǵy atap ótildi.
Premer-ministrdiń aitýynsha, ádiletti tariftik saiasat áleýmettik ádildikti qamtamasyz etýdiń negizgi tetikteriniń biri.
«Ádiletti tarifter – ony iske asyrýǵa baǵyttalǵan naqty qadam. Memleket óz kezeginde shyn máninde muqtaj azamattarǵa ǵana tikelei qoldaý kórsetedi», – dedi Oljas Bektenov.
Osyǵan bailanysty Ulttyq ekonomika ministrligi ne múddeli memlekettik organdarmen birlesip Turǵyn úi-kommýnaldyq sharýashylyǵyn jańǵyrtý jónindegi ulttyq jobany naqty júzege asyrýdy bastaý tapsyryldy.
Úkimet bul sharalar tariftik saiasattaǵy ashyqtyqty arttyryp, áleýmettik áljýaz toptardy qorǵaýǵa baǵyttalǵanyn atap ótti.
