«Búgin elimizdiń tarihynda bir eleýli ýaqytta kezdesip otyrmyz. Jańadan Túrkistan oblysy qurylyp, Túrkistan oblysy oblys ortalyǵy mártebesin aldy. Túrkistannyń damýy, bolashaǵy qalai bolady degen suraq boiynsha áńgimelesemiz. Birinshiden, meniń tapsyrmam boiynsha arnaiy úkimettik komissiia qurylyp, jumys istedi» degen Elbasy sol komissiia basshysynyń esebin tyńdady. Elbasyǵa Túrkistan qalasyn damytý jónindegi josparyn baiandaǵan QR Premer-Ministriniń birinshi orynbasary Asqar Mamin Bas josparǵa laiyq úzdik joba anyqtalǵanyn málimdedi.
«Túrkistan qalasynyń bas josparyn ázirleýge qatysty xalyqaralyq konkýrs uiymdastyryldy. 22 usynystyń ishinen úzdik joba tańdaldy. Tańdalǵan joba sizdiń tapsyrmańyzda qoiylǵan talaptarǵa tolyǵymen sáikes keledi. Sonyń ishinde Túrkistannyń tarixi qundylyqtaryn saqtaý, odan ary kórkeitý, Qoja Axmet Iassaýi kesenesi negizinde mádeni-rýxani ortalyqty saqtaý jáne ákimshilik-iskerlik ortalyqty qurýǵa erekshe kóńil bólindi» dedi Asqar Mamin.
«Sizdiń «Túrkistan oblysyn qurý, ákimshilik ortalyǵyn Túrkistan qalasyna kóshirý týraly» Jarlyǵyńyz boiynsha tiisti jumystar atqarylyp jatyr. Memlekettik organdardy jaiǵastyrý úshin Túrkistan qalasynan qajetti 25 ǵimarat belgilendi Turǵyn úi máselesin shuǵyl sheshý úshin jergilikti biýdjet esebinen Túrkistan jáne Kentaý qalalarynda 1 956 páterli 33 turǵyn úidiń (122 myń sharshy metr) qurylysyn bastap kettik. Búginde Túrkistan qalasyn damytý, týristik áleýetin kóterý baǵytynda keshendi is-sharalar qolǵa alynyp, otandyq jáne sheteldik kásipkerlermen kelissózder júrgizilip, nátijesin berip jatyr. Keshe ǵana 28 qyrkúiekte Túrkistan qalasynda 1-shi «Kóne Túrkistan – jańa múmkindikter» atty halyqaralyq investitsiialyq jáne týristik forýmy ótti. Atalǵan forýmǵa 17 shetel jáne otandyq 500-ge jýyq adam qatysty. Nátijesinde 1,7 mlrd.AQSh dollaryn quraityn 17 qujatqa qol qoiyldy» dedi oblys ákimi.
Baiandamalardy tyńdaǵan Elbasy «Biz búgin Túrkistandy jańa oblysa ortalyǵy retinde aiaǵynan tik turǵyzý máselesimen jinalyp otyrmyz. Qazir memlekettik organdar Túrkistanǵa kóship, jumys istep jatyr. Endi Túrkistandy halyqaralyq deńgeidegi qalaǵa ainaldyrý úshin Úkimet pen oblys ákimdigi myna máselelerge nazar aýdarýlary tiis. Birinshiden, óńirdiń qarjylyq turaqtylyǵyn arttyrý kerek. Oblystan Shymkent qalasy bólinip shyqqannan keiin biýjeti ekige bólindi. Sondyqtan biýdjetti tolyqtyrý úshin jańa kiris kózderin, biýdjetti molaitý joldaryn tabý qajet. Ekinshiden, jumyspen qamtamasyz etý, kásipkerlikti damytý máselesi nazarda bolǵany jón. Jurtshylyqqa jappai kásipkerlikpen ainalysýdy úiretken jón. Túrkistandaǵy qurylys alańdary men jumys oryndarynda ózimizdiń jastar jumyspen qamtylýy tiis» degen Elbasy aýyl sharýashylyǵyn odan saiyn damytyp, ónimderdi óńdep shetelge eksporttaý mindetin júktedi. Sonymen qatar, kólik-logistika qyzmetin damytyp, týrizmge serpin berý kerektigine toqtaldy. Túrkistandy elektr qýatymen, gazben, sapaly kólik joldarymen, áleýmettik nysandarmen jáne aýyz sýmen qamtý máselelerin sheshý jóninde de tapsyrma berdi. Balamaly qýat kózderin damytýdy júktedi.
Aktiv májilisinde Qazaqstannyń Qurmetti jýrnalisi Baidýlla Qonysbek Elbasynyń Túrkistanǵa degen erekshe yqylasy men qamqorlyǵyna el atynan alǵys aitsa, M.Áýezov atyndaǵy Ońtústik Qazaqstan memlekettik ýniversitetiniń stýdenti Viktoriia Cherkashina da jastarǵa memleket tarapynan kórsetilip jatqan qoldaýlarǵa riza ekendigin jetkizdi.
Túrkistandy damytý jónindegi alqaly jiynda Memleket basshysy Túrkistan qalasyn túrki áleminiń mádeni-rýhani ortalyǵy retinde damytý jónindegi bas jospardyń tujyrymdamasyn maquldaý jáne «TURKISTAN» arnaiy ekonomikalyq aimaǵyn qurý jónindegi tarihi Jarlyqtarǵa qol qoidy.
Túrkistan oblysy ákiminiń baspasóz qyzmeti
