– Bizdiń kásiporyn túıe jáne bıe sútin untaq kúıinde óndiretin elimizdegi biregeı joba. Ónimniń 90 paıyzy shetelge eksporttalatyn bolady. Joba Túrkistan, Qyzylorda, Jambyl oblystarynda mal basyn kóbeıtip, túıe sharýashylyǵynyń damýyna septigin tıgizedi. Bizdiń joba Qazaqstan men Qytaı arasyndaǵy ózara tıimdi seriktestiktiń dáleli. Qadirli Elbasy, ınvestorlarǵa kórsetken qoldaýyńyz úshin Sizge alǵys bildirip, qos zaýytymyzdyń eksporttyq ónimderin jóneltýge ruqsat berińiz, – dedi Iang Djı.
Atalǵan joba Qytaı Halyq Respýblıkasy men Qazaqstan Respýblıkasynyń arasyndaǵy yntymaqtastyq memorandým negizinde qurylǵan. Sondaı-aq, 2015-2019 jyldarǵa arnalǵan Indýstrıaldy-ınnovasıalyq damý baǵdarlamasy sheńberinde iske asyrýǵa josparlanǵan 51 jobanyń biri. 10 gektar aýmaqty alyp jatqan seriktestik jylyna 2 500 tonna túıe sútin óńdeýge qaýqarly. Joba jalpy quny 7,45 mlrd. teńgeni quraıdy. Zavodta 85 adam jumyspen qamtylǵan.
Aıta keteıik, munda túıe sútinen dıabetpen aýyratyndarǵa arnalǵan tabletka, kosmetıka, túrli dámmen jasalǵan ıogýrttar, qurǵaq tabletkalar óndiriletin bolady.
Túrkistan oblysy ákiminiń baspasóz qyzmeti
