Memleket basshysy Qasym-Jomart Toqaev "QazaqGaz" UK" AQ basqarma tóraǵasy Sanjar Jarkeshovty qabyldady. Memleket basshysyna ulttyq kompaniianyń atqarǵan jumysynyń nátijesi tanystyryldy, dep habarlaidy Dalanews.kz Aqordanyń baspasóz qyzmetine silteme jasap.
Prezidentke búgingi tańda elimizdegi gazdandyrý deńgeii 62,4 paiyzǵa jetkeni jóninde baiandaldy. Sońǵy úsh jylda 1,7 million otandasymyz tabiǵi gazdyń igiligin kóre bastady.
Qasym-Jomart Toqaevqa Jetisý oblysynyń 66 eldi mekenin gazben qamtamasyz etetin Taldyqorǵan – Úsharal gaz qubyrynyń jelilik bóliginiń qurylysy aiaqtalǵany týraly esep berildi. Budan bólek, Qashaǵan ken ornynda suiytylǵan munai gazyn aýystyryp tieý jáne fraktsiialaý zaýytynyń qurylysy, Beineý – Bozoi – Shymkent magistraldyq gaz qubyrynyń ekinshi jelisin salý jumystary bastaldy. Túrik investory – ESTA kompaniiasynyń qatysýymen quny 1,35 milliard dollar bolatyn karbamid zaýytynyń jobasy qolǵa alyndy.
Sanjar Jarkeshovtyń aitýynsha, reseilik kógildir otyndy Qazaqstan arqyly Ózbekstanǵa tasymaldaý kóleminiń artýy – saladaǵy mańyzdy jetistiktiń biri. Sondai-aq ulttyq kompaniia basshysy Orta Aziia – Ortalyq magistraldy gaz qubyrynda júrgizilip jatqan kúrdeli jóndeý jumystary jóninde aitty. Atalǵan joba óńirlik energetika salasyndaǵy mańyzdy býyn retinde elimizdiń rólin arttyra túsedi.
Memleket basshysynyń gazdyń resýrstyq bazasyn damytýǵa qatysty tapsyrmasyn oryndaý aiasynda birqatar strategiialyq kelisimge qol qoiyldy. Olardyń qatarynda «Aqqudyq» jáne «Severnyi-2» ýchaskelerindegi jer qoinaýyn paidalanýǵa arnalǵan kelisimsharttar, sondai-aq CNPC kompaniiasymen birlese «Severnyi-1» ýchaskesinde barlaý jumystaryn júrgizý týraly kelisim bar.
Budan bólek, Memleket basshysyna gaz salasynda tsifrlyq sheshimder engizý, sonyń ishinde NVIDIA jańa grafikalyq chipterimen jumys isteitin sýperkompiýterdi qoldaný jospary jaiynda baiandaldy.
Kezdesý sońynda Qasym-Jomart Toqaev aldaǵy jylytý maýsymyna daiyndyqqa, elimizdiń gaz salasyndaǵy áleýetin josparly túrde nyǵaitýǵa qatysty birqatar naqty tapsyrma berdi.
