Memleket basyshsy Qasym-Jomart Toqaev Túrkistan óńirine jasaǵan jumys sapary barysynda «Bilim-Innovatsiia» litsei-internatyndaǵy bilim berý protsesiniń ereksheligi men oqýshylardyń ǵylymi-zertteý jobalary tanystyryldy, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Litseide jaratylystaný-matematika baǵytyna basymdyq beriledi. Atap aitqanda, fizika, himiia, biologiia, matematika jáne informatika pánderi boiynsha sabaqtar aǵylshyn tilinde ótedi. Ustazdar oqýshylardyń akademiialyq jetistikterine den qoiady. Nátijesinde olar respýblikalyq, halyqaralyq pán olimpiadalarynda jáne sport saiystarynda úzdik atanyp júr.
Jyl basynda jańa ǵimarat paidalanýǵa berilip, litsei-internat Kentaýdan Túrkistan qalasyna kóshirilgen. Qazir munda 500-den astam oqýshy bilim alyp jatyr. Prezident oqý jáne úiirme kabinetterin, sport zalyn aralap kórip, oqýshylarmen áńgimelesti.
Memleket basshysy elimizdiń keleshegi jas urpaqtyń qolynda ekenin aityp, olardyń oqýda ozat bolýyna tilektestik bildirdi.
Búginde Túrkistan oblysynda «Jaily mektep» ulttyq jobasy boiynsha 14 myń oqýshyǵa arnalǵan 29 mektep salynyp jatyr. Sonymen qatar sybailas jemqorlyq boiynsha isti bolǵan tulǵalardan tárkilengen qarjyǵa óńirde 20 bilim berý nysany boi kóteredi. Onyń 13-i biyl paidalanýǵa berilmek. Jyl sońyna deiin oblystaǵy 4 apatty jáne úsh aýysymdy 5 mekteptiń máselesi tolyǵymen sheshiledi.
