Memleket basshysy "Qazaqstan Respýblikasynyń Ulttyq qorynan 2025 – 2027 jyldarǵa arnalǵan kepildendirilgen transfert týraly" Qazaqstan Respýblikasynyń Zańyna qol qoidy. Sonymen qatar prezident "2025–2027 jyldarǵa arnalǵan respýblikalyq biýdjet týraly" zańǵa da qol qoidy, dep jazady Dalanews.kz.
Bul týraly Aqordanyń baspasóz qyzmeti habarlaidy.
Aita ketsek, 2024 jyldyń 21 qarashasynda Senat Ulttyq qordan alynatyn aldaǵy úsh jylǵa arnalǵan kepildendirilgen transfert týraly zań jobasyn bekitti. 2025 jylǵy nysanaly transfert kólemi 3,250 trln teńgeni quraidy, kepildendirilgeni - 2 trln teńge. Qujatta munaidyń kesimdi baǵalary da kórsetilgen: 2025 jyly – bir barreli 42,3 dollar, 2026 jyly — 41 dollar, 2027 jyly — 39,4 dollar. Ulttyq qorǵa munai sektory uiymdarynan túsetin túsimderdiń boljamdy kólemi 2025 jyly 2 277,0 mlrd teńgeni, 2026 jyly 2 276,8 mlrd teńgeni jáne 2027 jyly 2 277,0 mlrd teńgeni quraidy.
Týra osy kúni Senat depýtattary 2025-2027 jyldarǵa arnalǵan respýblikalyq biýdjet týraly zań jobasyn da qarady. Alaida bul qujat senatorlar synynan ótpei, qaita pysyqtaý úshin Májiliske qaitaryldy.
Negizgi máselelerdiń biri JIÓ ósiminiń boljamdy deńgeiin asyra baǵalaý boldy: 2025 jylǵa -5,6%.
"Bul boljam kúmándi jáne kóptegen halyqaralyq sarapshylar ony tym optimistik dep sanaidy. Ásirese, ónerkásiptik ósim álsiz, munai óndirisiniń kólemi tómendep jatyr. Sondyqtan bul asyra baǵalaý bolady", – dedi Sultanbek Mákejanov bul rette.
Sondai-aq depýtat biýdjet jobasyna engizilgen 2025 jylǵa arnalǵan infliatsiia dáliziniń 5,5-7,5% aralyǵyndaǵy sáikestigine de kúmán keltirdi.
"Biýdjet shyǵynynyń artýy infliatsiianyń tómendeýin qamtymaidy, sondyqtan bul kórsetkish deklarativti bolyp qalýy ábden múmkin", - dedi ol seziktene.
Salyq túsimderi de senatorlardyń kóńiline jaqpady.
27 qarashada Májilis Senattyń túzetýlerimen kelisti. Úkimettiń boljamy boiynsha, 2025 jyly Qazaqstannyń JIÓ ósimi 5,6% quraidy%, JIÓ-niń 5 jyldaǵy ortasha jyldyq ósimi - 5,4%. Infliatsiia 2025 jyly 5,5-7,5%, 2026 jyly 5-6% deńgeiinde anyqtalady, al 2027-2029 jyldary bul kórsetkish 5%-ǵa deiin tómendeidi dep boljanady. 2025 jyly biýdjet tapshylyǵy JIÓ-niń 2,7% deńgeiinde aiqyndalady, al 2026-2027 jyldary JIÓ-niń 2,2% jáne 1,9% deńgeiin qamtyp, tómendeidi. Respýblikalyq biýdjet kiristeri boiynsha boljamdar (transfertterdi esepke almaǵanda): 2025 jyly 15,6 trln teńgeni, 2026 jyly 16,7 trln teńgeni, 2027 jyly 18,2 trln teńgeni quraidy. Respýblikalyq biýdjettiń shyǵystary: 2025 jyly 25,8 trln teńge nemese JIÓ-niń 17,1%-y, 2026 jyly 23,2 trln teńge nemese JIÓ-niń 13,7%-y, 2027 jyly 24,6 trln teńge nemese JIÓ-niń 12,9%-y.
