Densaýlyq saqtaý ministrligi MÁMS júiesine jarnany bes ese arttyrý týraly máseleni qarastyryp jatyr. Bul jalaqysy 850 myń teńgeden asatyn qyzmetkerlerge qatysty bolady. Mundai qujat "Ashyq NQA" portalynda jariialandy. Keshe Úkimettegi baspasóz máslihatynda Ulttyq ekonomika ministrliginiń basshysy Álibek Qýantyrov osy jaǵdaiǵa qatysty pikir bildirdi, dep habarlaidy Dalanews.kz.
Sheneýnik memleket búkil áleýmettik shyǵyndy kótere almaidy degen pikirde.
"Meniń oiymsha, buǵan birtindep kelý kerek, óitkeni memleket barlyq áleýmettik shyǵyndy kótere almaidy. Biz áleýmettik baǵdarlanǵan memleketpiz, al bizde memlekettik biýdjettiń 50 paiyzdan astamy áleýmettik shyǵynǵa jumsalyp otyr. Biraq damýshy elderde de, damyǵan elderde de biznestiń áleýmettik jaýapkershiligi bolýy kerek ekeni túsinikti jáne bul eń aldymen jumysshylarǵa qajet. Sonda ǵana olar qorǵalady, saqtandyrylǵan kezde tólem de kóbirek bolady", - dedi Qýantyrov.
Sonymen qatar, ministrden jalaqysy 850 myń teńgeden asatyn qazaqstandyqtarǵa jarnany ulǵaiýtýǵa kózqarasy qandai ekeni suraldy. Sheneýnik buǵan túsinistikpen qaraitynyn jetkizdi.
"Men buǵan jaqsy qaraidy degen sóz emes. Men oǵan túsinistikpen qaraimyn. Biraq, árine, bizneske júktemeni de eskerý kerek", - dedi ol.
Aita keteiik, zań jobasy qabyldanǵan jaǵdaida 2024 jyly jumys berýshiler úshin MÁMS-ke eń joǵary aýdarym 127 500 teńgege deiin, al jaldamaly qyzmetkerler úshin jarna 85 000 teńgege deiin ósedi. Bul normany 2025 jylǵy 1 qańtardan bastap engizý usynylyp otyr.
