Kúndiz jumystan qoly bosamaityn ata-analarǵa yńǵaily bolýy úshin kezdesýdi bilim oshaqtary keshki mezgilde uiymdastyrypty. O basta kesh batyp, qarańǵyly qqoiýlana túskende mundai jinalysqa ata-analar az keletin shyǵar dep oilaǵan edik. Mekteptiń májilis zalyna kelip kirgenimizde 170-ke tarta adam erkin siiatyn zalda ine shanshar oryn bolmaǵanda oiymyzdyń qate ekenine kóz jetkizgendei boldyq. Qalyń kópshiliktiń arasynda jas ata-analar men nemeresiniń sońynan erip kelgen egde tartqan kisilerdiń bar ekenin baiqadyq. Bári mektep direktorynyń esebin tyńdaýǵa qumartyp kelgeni baiqalyptur. El aiaǵy tolyq jinalǵan №192 mekteptiń direktory Riza Mýratovna Myrzahanova sóz bastady:
– Qurmetti ata-analar, Almaty qalasynyń ákimi Baýyrjan Baibek myrzanyń nusqaýy boiynsha budan bylai qalamyzdaǵy mektep direktorlary ár toqsan saiyn memleket tarapynan mektepke bólingen qarajattardyń qaida jumsalyp jatqany jaiynda esep berip turatynyn ózderińiz de bilesizder. Óz basym bul is-shara mektep pen ata-analar arasyn jaqyndatyp, bilim berý mekemeleriniń ashyqtyǵyn qamtamasyz etedi dep esepteimin. Sondyqtan bizdiń mektep ujymy ákimniń bul bastamasyn jyly qabyldap, qoldaý bildirdi, – dep mektep basshysy kókeige túigen oiyn ortaǵa saldy.
Áńgime basynda mekteptiń tarihy men jetken jetistigine qysqasha toqtalyp, jinalǵan qaýymǵa qysqasha málimet beripótti.
–Árbir ata-ana balasy bilim alatyn bilim oshaǵyna memleke ttarapynan qanshalyqty qarjy bólinetinin bilip otyrýy mańyzdy. Júzdegen myń salyqtóleýshilerdiń esebinen quralatyn bul qarjynyń tiimdi baǵytta jumsalýy bárimiz úshin mańyzdy másele, – dedi mektep direktory.
Tómende mekteptke bólingen qarajattyń qaida jumsalǵany týraly birqatar kesteni tizip berip otyrmyz.
