Túrkistan oblysy ákimi Ómirzaq Shókeev jaqyn eldi mekenderge oqýshylardy tasymaldaý, avtobýspen qamtý isin jandandyrý kerektigin jetkizdi.
– Mektep salý – biýdjetke úlken salmaq. Sondyqtan bilim uialaryn salýdyń logikalyq máni bolýy tiis. Byltyr respýblika boiynsha salynǵan mektepterdiń tórtten biri bizde salyndy. Endigi kezekte jaqyn aýyldardy saraptap, jaqyn eldi mekenderde oqýshylardy avtobýspen tasymaldaýǵa basymdyq berý kerek. 10-15 shaqyrym jerden balalardy tasymaldaǵan jón. Ekinshiden, investorlar esebinen jeke menshiktegi mektepterdi kóbeitken abzal, – dedi Ómirzaq Shókeev.
Túrkistan oblystyq adami áleýetti damytý basqarmasynyń basshysy D.Bolathanulynyń málimdeýinshe, oblysta 2023 jyly – 2, 2024 jyly – 31, 2025 jyly – 56 mektepti paidalanýǵa berý josparlanyp otyr. Eń kóp mektep qajettiligi bar aýdan, qalalarǵa toqtalsaq, Túrkistan qalasynda 8 mektep boi kóteredi. Sonymen birge Keles aýdanynda – 8, Saýran aýdanynda – 9, Sairam aýdanynda 12 mektep salynbaq.
Aptalyq otyrysta Túrkistan qalasyn damytý máselesi de qaralyp, shahar basshysy N.Turashbekovtyń baiandamasy tyńdaldy. Túrkistan qalasynyń ákimshilik-iskerlik ortalyǵynda 2022 jyly 7, 9 jáne 12 qabatty, jalpy 53 turǵyn úi memlekettik biýdjet esebinen júrgizilip, qabyldanady. «Arman» turǵyn úi keshenin abattandyrý maqsatynda jer tegisteý, aiaqjoldar tóseý jáne avtoturaq oryndaryn asfalttaýǵa daiyndyq jumystary atqaryldy. Qalada saiabaqtar sany artýda. Oblys ákimi qalany kógaldandyrý, sýlandyrý jumysyn kúsheitýdi tapsyrdy.
– Barlyq kanaldardy jaiaý aralap, kórip júrmin. Eger shilde kúni qalany sýlandyra almasaq, bul is durys bolmaidy. Kúnde tańerteń árbir sý beriletin aýmaqqa baryp, sýdyń jiberilgenin nazarda ustaý qajet. Biz qalaǵa qanshama gidranttar, kanaldar saldyq. Endi oǵan sý bermese, jaýapty tulǵalar qadaǵalamasa is ónbeidi. Aǵyn sýdy eseptep, baqylaý kerek, – dedi Ómirzaq Shókeev.
Jaz ailarynda jasyl jelekterdi sýǵarýdy qarqyndy ári tiimdi júrgizý maqsatynda 3 aýysymdyq jumys kestesi jasaldy. Atalǵan jumystardy «Jasyl-Túrkistan» KMM jáne «Jaryq-Tazalyq» JShS birlese júrgizip jatyr. B.Sattarhanov dańǵyly boiyna kúndelikti saǵat 21:00-den 02:00-ge deiin 8 tehnika qoiylyp, 3 aýysymdyq túngi kezekshilik uiymdastyrylǵan.
«Otyrar» móltek aýdanyndaǵy Iassy kóshesi boiynan 2,34 ga aýmaqta gúlzar qurylysy bastaldy. Atalǵan nysanda úlken sýburqaq, demalys oryndary, sport alańshalary, balalar alańshalary, aiaqjoldar, velojoldar, júgirý jolaqtary men jasyl jelekter qarastyrylǵan. Qazirgi tańda merdiger tarapynan jer jumystary júrgizilip, beton aryqtar jáne bordiýr ornatý, injenerlik jelilerdi tartý jumystary aiaqtalǵan.
