Jelide 7- synyptyń geografiia kitabyndaǵy dúniejúzilik kartasyna bailanysty daý týdy, - dep habarlaidy Dalanews.kz Informbiýro jańalyqtar baǵdarlamasyna siltep.
Jeli qoldanýshysy geografiia kitabyndaǵy kartada Qazaqstannyń ornalasqan aýmaǵy durys kórsetilmegenin aitady. Onyń sózinshe, elimiz Resei-Eýraziialyq aimaqqa engizilgen. Bul kóptiń ashýyna tiip, video qyzý talqyǵa túsken.
Respýblikalyq ǵylymi-praktikalyq bilim mazmunyn saraptaý ortalyǵynyń mamandary 7-synypqa arnalǵan "Geografiia" oqýlyǵy 2017 jyldan beri qoldanysta ekenin aitty. Sózderinshe, "Atamura" baspasynan shyqqan kitapta KSRO-nyń ydyraýy kezinde paida bolǵan jańa táýelsiz memleketterdiń geografiialyq ornyn belgileý úshin "Resei-Eýraziialyq aimaq" ataýy qoldanylǵan. Olar bul ózgerip kele jatqan álemniń tarihi-mádeni aýdandarynyń syzba-kartasy dep túsindirdi.
"2018 jyldan bastap Birikken Ulttar Uiymy Ortalyq Aziiany táýelsiz aimaq retinde bóledi. Osyǵan orai, keiingi basylymdarda kórsetilgen syzbaǵa tiisti jańartýlar engiziledi. Qazirgi ýaqytta keibir derekterdiń, statistikalyq málimetterdiń jańartylýyna bailanysty atalǵan oqýlyq mazmunyna ózgerister men tolyqtyrýlar engizilip jatyr. Kelesi 2025-2026 oqý jylynda oqýlyq qaita basylyp shyǵarylady", – dep málimdedi oqý-aǵartý ministrligi respýblikalyq ǵylymi-praktikalyq bilim mazmunyn saraptaý ortalyǵynyń baspasóz qyzmeti.
