جەلٸدە 7- سىنىپتىڭ گەوگرافييا كٸتابىنداعى دٷنيەجٷزٸلٸك كارتاسىنا بايلانىستى داۋ تۋدى, - دەپ حابارلايدى Dalanews.kz ينفورمبيۋرو جاڭالىقتار باعدارلاماسىنا سٸلتەپ.
جەلٸ قولدانۋشىسى گەوگرافييا كٸتابىنداعى كارتادا قازاقستاننىڭ ورنالاسقان اۋماعى دۇرىس كٶرسەتٸلمەگەنٸن ايتادى. ونىڭ سٶزٸنشە, ەلٸمٸز رەسەي-ەۋرازييالىق ايماققا ەنگٸزٸلگەن. بۇل كٶپتٸڭ اشۋىنا تيٸپ, ۆيدەو قىزۋ تالقىعا تٷسكەن.
رەسپۋبليكالىق عىلىمي-پراكتيكالىق بٸلٸم مازمۇنىن ساراپتاۋ ورتالىعىنىڭ ماماندارى 7-سىنىپقا ارنالعان "گەوگرافييا" وقۋلىعى 2017 جىلدان بەرٸ قولدانىستا ەكەنٸن ايتتى. سٶزدەرٸنشە, "اتامۇرا" باسپاسىنان شىققان كٸتاپتا كسرو-نىڭ ىدىراۋى كەزٸندە پايدا بولعان جاڭا تەۋەلسٸز مەملەكەتتەردٸڭ گەوگرافييالىق ورنىن بەلگٸلەۋ ٷشٸن "رەسەي-ەۋرازييالىق ايماق" اتاۋى قولدانىلعان. ولار بۇل ٶزگەرٸپ كەلە جاتقان ەلەمنٸڭ تاريحي-مەدەني اۋداندارىنىڭ سىزبا-كارتاسى دەپ تٷسٸندٸردٸ.
"2018 جىلدان باستاپ بٸرٸككەن ۇلتتار ۇيىمى ورتالىق ازييانى تەۋەلسٸز ايماق رەتٸندە بٶلەدٸ. وسىعان وراي, كەيٸنگٸ باسىلىمداردا كٶرسەتٸلگەن سىزباعا تيٸستٸ جاڭارتۋلار ەنگٸزٸلەدٸ. قازٸرگٸ ۋاقىتتا كەيبٸر دەرەكتەردٸڭ, ستاتيستيكالىق مەلٸمەتتەردٸڭ جاڭارتىلۋىنا بايلانىستى اتالعان وقۋلىق مازمۇنىنا ٶزگەرٸستەر مەن تولىقتىرۋلار ەنگٸزٸلٸپ جاتىر. كەلەسٸ 2025-2026 وقۋ جىلىندا وقۋلىق قايتا باسىلىپ شىعارىلادى", – دەپ مەلٸمدەدٸ وقۋ-اعارتۋ مينيسترلٸگٸ رەسپۋبليكالىق عىلىمي-پراكتيكالىق بٸلٸم مازمۇنىن ساراپتاۋ ورتالىعىنىڭ باسپاسٶز قىزمەتٸ.
