Tekserý qorytyndysy boiynsha Túlkibas aýdanyna qarasty Sartóbe kentindegi mekteptiń direktory Gúljan Ámirbekova bilim ordasyndaǵy ustazdaryn birqatar úmitkerlerge, onyń ishinde jubaiyna daýys berýge májbúrlep, "Nur Otan" partiiasynyń Praimeriz ótkizý erejelerin óreskel buzǵandyǵy anyqtaldy.
Túlkibas aýdandyq filialynyń Partiialyq baqylaý komissiiasy "Sartóbe" BPU-ǵa Gúljan Ámirbekovany "Nur Otan" partiiasynyń qatarynan shyǵarýdy usyndy.
Sonymen qatar, partiiaishilik irikteý ótkizý jónindegi oblystyq Uiymdastyrý komitetiniń sheshimimen onyń jubaiy Nurlan Ámirbekov praimeriz úmitkerleri qatarynan shyǵaryldy. Sondai-aq, partiianyń Túlkibas aýdandyq filialy tóraǵasynyń birinshi orynbasary Qýatbek Erkebaevqa qatysty partiialyq tártiptik jaza qoldanyldy.
"Nur Otan" partiiasynyń baspasóz qyzmeti Elbasy, Partiia Lideri Nursultan Nazarbaevtyń partiiaishilik sailaýda daýys berýdi ashyq, ádil jáne aiqyn ótýin qamtamasyz etý qajettigi týraly tapsyrmasyn oryndaý aiasynda Ortalyq apparat jergilikti jerlerde osyndai "bastamalardyń" jolyn kesetinin taǵy da atap ótti.
Buǵan deiin partiialyq baqylaý komiteti Aqmola oblysynda jappai daýys berýdi uiymdastyrý áreketin anyqtaǵan bolatyn. Nátijesinde Sandyqtaý aýmaqtyq filialy tóraǵasynyń birinshi orynbasary L.A.Loviaginaǵa "eskertý" partiialyq jazalaý sharasy, "Bilim" BPU tóraǵasy J.J.Qaiyrmdenovke jáne "Bilim" BPU tóraǵasynyń orynbasary B.Iu.Barahoevaǵa sógis túrindegi partiialyq jaza qoldanyldy.
Praimeriz ótkizý erejesin buzǵan qandai da bir jaǵdai boiynsha 8 (800) 080 4441 jedel jelisine (qońyraý shalý tegin) nemese komek@nurotan.kz elektrondy pochtasy boiynsha habarlasýǵa bolady. Kelip túsken barlyq aryzdy Partiialyq baqylaý komiteti jan-jaqty qarastyrady.
Kinálilerge partiiadan shyǵarýǵa deiingi barynsha qatań shara qoldanylatyn bolady.
