Mektep direktory: «5-11synyp aralyǵyndaǵy oqýshylar qashyqtan oqidy»
– Búgin jalpyrespýblikalyq pedagogtar keńesin ótkizdik. Pedagogtar keńesi búkil respýblika aýmaǵynda uiymdastyryldy. Biz de ózimizdiń mektepishilik pedagogikalyq keńeske jinalyp, oqý jylyna daiyndyq, oqý protsesin uiymdastyrý máselelerin talqyladyq, – dedi ol tilshige telefon arqyly.
Onyń dereginshe, elordadaǵy №54 mektep-litseide 2 800-den astam bala bilim alady. «Onyń ishinde 1-4 synyp oqýshylary arasynda kezekshi synypqa kelip, mektepte bilim alýǵa niet tanytyp otyrǵandar da bar. 1-4 synyp oqýshylarynyń 284 ata-anasy onlain ótinim berdi. Osyǵan orai mektepte 25 kezekshi top qurylyp, onda balalar oqityn bolady», – dedi Shákárim Seisenbai.
Sonymen qatar ol kezekshi synyptarda oqý protsesi qalai uiymdastyrylatynyn da túsindirip ótti.
– Kezekshi synyptarda úsh pán boiynsha sabaq júrgiziledi. Iaǵni, balalar mektepke keledi jáne sol jerde negizgi pánderdi oqidy. Odan keiin orys tili men aǵylshyn tili syndy pánder onlain formatynda ótetin bolsa, dene tárbiesi, mýzyka jáne tehnologiia sabaqtary qashyqtan uiymdastyrylady. Muǵalimder tapsyrma berip, olardyń oryndalýyn qadaǵalap otyrady. 5-ten bastap 11-synypqa deiingi oqýshylar tek qana qashyqtan bilim alady, – dedi mektep direktory.
