Qazaqstanda meditsinalyq qyzmet sapasyna qatysty shaǵym berý tártibi ózgerdi. Endi mundai ótinishter 1414 biryńǵai bailanys ortalyǵy arqyly qabyldanbaidy. Bul týraly «Áleýmettik meditsinalyq saqtandyrý qory» KEAQ málimdedi, dep habarlaidy Dalanews.kz.
Qordyń málimetinshe, ózgerister Densaýlyq saqtaý ministrliginiń 2020 jylǵy 8 qazandaǵy №648 buiryǵyna engizilgen túzetýlerge sáikes júzege asyrylǵan. Atalǵan qujat biryńǵai meditsinalyq aqparattyq call-ortalyqtyń qyzmetin retteidi.
Jańa erejege sai, 1414 bailanys ortalyǵy arqyly meditsinalyq qyzmet sapasyna qatysty shaǵymdardy qabyldaý fýnktsiiasy alyp tastaldy. Qor bul sheshim azamattardyń jeke derekterin qorǵaýdy kúsheitý jáne dárigerlik qupiianyń saqtalýyn qamtamasyz etý maqsatynda qabyldanǵanyn túsindirdi.
Endi turǵyndarǵa mundai máseleler boiynsha resmi tsifrlyq servisterge júginý usynylady. Atap aitqanda, ótinishterdi «Áleýmettik meditsinalyq saqtandyrý qorynyń» resmi saity – msqory.kz nemese Qoldau 24/7 mobildi qosymshasy arqyly joldaýǵa bolady.
Sonymen qatar tegin meditsinalyq kómektiń kepildik berilgen kólemi (TMKKK) men mindetti áleýmettik meditsinalyq saqtandyrý (MÁMS) júiesine qatysty keńes berý qyzmeti 1414 bailanys ortalyǵy arqyly burynǵydai jalǵasa beredi.
