Belgili ánshi Medeý Arynbaev ómirinde tereń iz qaldyrǵan bir oqiǵany eske alyp, qyzyna qatysty ishki ókinishin bólisti, dep habarlaidy dalanews.kz.
Óner iesi bul týraly "Habar" arnasyna bergen suhbatynda aitqan.
Medeý Arynbaevtyń sózinshe, marqum jary Aigúl Arynbaeva ekinshi sábiine júkti bolǵan kezde, ol dúniege ul keledi dep qatty sengen.
"Kelinshegim ekinshi sábiimizge júkti boldy. Jastyq qoi, bul sábiimiz de ul bolady dep senip, kúttim. Bosanatyn ýaqyty jetkende perzenthanaǵa aparyp, ornalastyryp, keri qaittym. Bir-eki kúnnen keiin bosanady dep oilap, dostarymyzben toilaýdy bastap kettik. Áne mine, dúniege keletin sábidi ul dep, tostymyzdy sol ulǵa arnap otyrǵanbyz. Bir kezde telefon shyryldady. Tutqanyń arǵy betindegi daýys áielimniń bosanǵanyn aityp, "ómirge qyzyńyz keldi" dep quttyqtady. Birtúrli bop qaldym... "Jigitter, ul emes, qyz eken" degenimdi áli kúnge deiin keshire almaimyn. Qazir qyzymdy ár súigen saiyn sol kúngi áreketim úshin ishtei keshirim surai beremin", – dedi Medeý Arynbaev.
Ánshiniń aitýynsha, bul jaǵdai keiin ómirindegi úlken sabaqtardyń birine ainalǵan. Ol búginde qyzyna degen mahabbatyn erekshe sezinip, sol kezdegi sózi úshin áli de ókinish bildiretinin jasyrmady.
