بەلگٸلٸ ەنشٸ مەدەۋ ارىنباەۆ ٶمٸرٸندە تەرەڭ ٸز قالدىرعان بٸر وقيعانى ەسكە الىپ, قىزىنا قاتىستى ٸشكٸ ٶكٸنٸشٸن بٶلٸستٸ, دەپ حابارلايدى dalanews.kz.
ٶنەر يەسٸ بۇل تۋرالى "حابار" ارناسىنا بەرگەن سۇحباتىندا ايتقان.
مەدەۋ ارىنباەۆتىڭ سٶزٸنشە, مارقۇم جارى ايگٷل ارىنباەۆا ەكٸنشٸ سەبيٸنە جٷكتٸ بولعان كەزدە, ول دٷنيەگە ۇل كەلەدٸ دەپ قاتتى سەنگەن.
"كەلٸنشەگٸم ەكٸنشٸ سەبيٸمٸزگە جٷكتٸ بولدى. جاستىق قوي, بۇل سەبيٸمٸز دە ۇل بولادى دەپ سەنٸپ, كٷتتٸم. بوساناتىن ۋاقىتى جەتكەندە پەرزەنتحاناعا اپارىپ, ورنالاستىرىپ, كەرٸ قايتتىم. بٸر-ەكٸ كٷننەن كەيٸن بوسانادى دەپ ويلاپ, دوستارىمىزبەن تويلاۋدى باستاپ كەتتٸك. ەنە مٸنە, دٷنيەگە كەلەتٸن سەبيدٸ ۇل دەپ, توستىمىزدى سول ۇلعا ارناپ وتىرعانبىز. بٸر كەزدە تەلەفون شىرىلدادى. تۇتقانىڭ ارعى بەتٸندەگٸ داۋىس ەيەلٸمنٸڭ بوسانعانىن ايتىپ, "ٶمٸرگە قىزىڭىز كەلدٸ" دەپ قۇتتىقتادى. بٸرتٷرلٸ بوپ قالدىم... "جٸگٸتتەر, ۇل ەمەس, قىز ەكەن" دەگەنٸمدٸ ەلٸ كٷنگە دەيٸن كەشٸرە المايمىن. قازٸر قىزىمدى ەر سٷيگەن سايىن سول كٷنگٸ ەرەكەتٸم ٷشٸن ٸشتەي كەشٸرٸم سۇراي بەرەمٸن", – دەدٸ مەدەۋ ارىنباەۆ.
ەنشٸنٸڭ ايتۋىنشا, بۇل جاعداي كەيٸن ٶمٸرٸندەگٸ ٷلكەن ساباقتاردىڭ بٸرٸنە اينالعان. ول بٷگٸندە قىزىنا دەگەن ماحابباتىن ەرەكشە سەزٸنٸپ, سول كەزدەگٸ سٶزٸ ٷشٸن ەلٸ دە ٶكٸنٸش بٸلدٸرەتٸنٸن جاسىرمادى.
